Шығыс Қазақстан облысының білім басқармасы облыс әкімінің тапсырмасына сәйкес «ШЫҒЫС BALAFEST» облыстық балалар шығармашылығы фестивалі (бұдан әрі – Фестиваль) өткізілетіндігін хабарлайды.
Фестивальдің мақсаты – балалар шығармашылығын қолдау және дамыту, өнер саласында дарынды балаларды анықтау.
Фестиваль ІІІ кезеңде өтеді:
- I кезең – мектепішілік: 2026 жылдың ақпан-наурызы;
- II кезең – қалалық және аудандық: 2026 жылдың сәуірі;
- III кезең – Гала-концерт: 2026 жылдың 1 маусымы (Өскемен қаласы).
Фестивальге жалпы орта және қосымша білім беру мекемелерінің 8-16 жас аралығындағы білім алушылары қатыса алады.
Фестиваль келесі номинациялар бойынша өткізіледі:
- вокалдық өнер;
- хормен ән айту;
- хореография;
- аспаптық өнер.