Форумның мақсаты - білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынасты тәрбиелеу.

Форумға форумның іріктеу (мектеп және аудандық/қалалық) кезеңдерінің жеңімпаздары мен жүлдегерлері– облыстың жалпы білім беретін мектептерінің, мектептен тыс қосымша білім беру ұйымдарының 6-11 сыныптарының 114 оқушысы қатысты.

Форум номинациялары:

- «Қазақстанның флорасы мен фаунасының 3D атласы» - 3D атласын жасау.

- «Zhasyl El» – зерттеу жобаларының байқауы келесі бағыттар бойынша:

- қалалық орта экологиясы, әлеуметтік экология, адам экологиясы – ауаның, көліктің, көгалдандырудың және т. б. ластану мәселелерін шешу жолдары;

- инновациялық «жасыл» жобаларды әзірлеу, енгізу, ынталандыру және насихаттау практикасы.

- «Экотеатр» – экология туралы шағын спектакльдермен бейнероликтер байқауы;

- «Eko-Bolashak» – жүргізілген экологиялық жұмыстар бойынша видеороликтер презентациясы; 

- «GREEN OASES» – ландшафтық экожобалар байқауы;

- «Туған өлкенің бояулары» – электрондық экологиялық ашық хат.

Қазылар алқасы мүшелерінің жұмыс нәтижелері бойынша 57 қатысушы жеңімпаз және жүлдегер атанды: І дәрежелі дипломды – 10, ІІ дәрежелі дипломды – 18, ІІІ дәрежелі дипломды – 29 оқушы жеңіп алды. Қалған қатысушыларға сертификаттар табысталды.

Үздік жобалар 2022 жылдың маусым айында өтетін Форумның республикалық кезеңінде ұсынылады.

Жеңімпаздар мен жүлдегерлерді құттықтаймыз!

Барлық қатысушыларға шығармашылық табыс пен сәттілік тілейміз!