+7 (7232) 70-02-44
+7 (7232) 75-42-12
пошта

Көркем-эстетикалық және ғылыми-техникалық шығармашылықты дамыту зертханасы

Зертхана Шығыс Қазақстан облысы білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығының» құрылымында жұмыс істейді.

Зертхананың негізгі мақсаты – оқушылардың шығармашылық әлеуетін дамытып, өнер, мәдениет, техника және инновация салаларындағы таланттарды қолдау, сондай-ақ көркем-эстетикалық және ғылыми-техникалық бағыттағы қосымша білім беру ұйымдарын ғылыми-әдістемелік тұрғыдан сүйемелдеу.

Қызметтің негізгі бағыттары

1. Оқушылардың шығармашылық әлеуетін дамыту және қолдау

- Оқушылардың қабілеттерін анықтау, іріктеу және дамыту бойынша өңірлік деңгейде тиімді әдістемелер әзірлеу және енгізу.

- Шығыс Қазақстан облысының шығармашылық саласындағы дарынды және талантты балалардың деректер банкін қалыптастыру және жүргізу.

- Өнер, мәдениет, техника және инновация салаларында оқушылардың өзін-өзі танытуы мен шығармашылық тұрғыдан өсуі үшін қолайлы жағдай жасау.

2. Облыстық және республикалық бұқаралық іс-шараларды ұйымдастыру

- Көркем-эстетикалық және ғылыми-техникалық бағыттағы облыстық байқауларды, фестивальдерді, слеттерді, көрмелер мен жарыстарды ұйымдастырып өткізу.

- Сала педагогтері мен үйірме жетекшілері үшін ғылыми-практикалық конференциялар мен семинар-кеңестер ұйымдастыру.

- Облыстың талантты оқушыларының республикалық және халықаралық іс-шараларға қатысуын қамтамасыз ету және әдістемелік сүйемелдеу.

3. Қосымша білім беруді әдістемелік сүйемелдеу

- Облыстың қосымша білім беру ұйымдарының қызметін үйлестіру және мониторинг жүргізу (статистикалық деректерді талдау, Ұлттық білім беру деректер базасымен (ҰБДБ) жұмыс істеу).

- Бағыттар бойынша үйірмелер мен секциялардың жұмысын есепке алу және оқушылардың қосымша білім берумен қамтылуын қадағалау.

- Өңірдің білім беру ұйымдары мен педагогтеріне әдістемелік және практикалық көмек көрсету.

- Қосымша білім беру тәжірибесіне инновациялық модельдерді, озық отандық және шетелдік тәжірибені енгізу.

4. Оқушылардың жазғы демалысы мен жұмыспен қамтылуын ұйымдастыру

- Балалар мен жасөспірімдердің жазғы демалысын мазмұнды ұйымдастыру, сауықтыру және жұмыспен қамту үдерісін үйлестіру.

- Оқушылардың жазғы демалысы мен жұмыспен қамтылуы бойынша статистикалық есепке алуды жүзеге асыру.

5. Ақпараттық-ағартушылық қызмет

- Оқушылардың жетістіктері мен зертхана іс-шараларының қорытындыларын бұқаралық ақпарат құралдарында (БАҚ), «Дарын» орталығының ресми сайтында және әлеуметтік желілерде жариялануын қамтамасыз ету.

- Аудандық, қалалық білім бөлімдерімен және облыстық ұйымдармен тығыз өзара іс-қимыл жасауды қамтамасыз ету.Мекен-жайы: Абай даңғылы, 21, 3 қабат

 

Жұмыс телефоны: 8 /7232/ 75-26-91

e-mail: texno_otdel@mail.ru