2010 жылдың 28-30 қыркүйек күндері Атырау облысында Қазақстан Республикасының жалпы білім беретін оқу орындарының оқушылары арасында І республикалық Махамбет оқулары өтті.
I Республикалық Махамбет оқулары үш бөлім бойынша өткізілді.
- «Мен - Өтемістің баласы Махамбет атты батырмын!» - Махамбет шығармаларын жатқа оқу конкурсы;
- «Ұлы арман» - Махамбеттің күйлерін орындаушылар конкурсы;
- «Тартынбай сөйлер асылмын...» - жас дарындар конкурсы.
Байқау қорытындысы бойынша Шығыс Қазақстан облысынан қатысқан барлық үш қатысушы да жүлделі орынға ие болды:
- «Тартынбай сөйлер асылмын...» бөлімі бойынша 1-орынды Абай ауданы Қарауыл гимназиясының 11 –сынып оқушысы Жақсылықов Жайдар;
- «Мен - Өтемістің баласы Махамбет атты батырмын!» бөлімі бойынша 2-орынды Өскемен қаласындағы Назарбаев Зияткерлік мектебінің 10-сынып оқушысы Айдарбеков Арыс;
- «Ұлы арман» бөлімі бойынша 2-орынды Семей қаласының Шәкәрім атындағы №5 МГ 8-сынып оқушысы Құдайбергенов Дарын иеленді.