Шығыс Қазақтан өңірлік ғылыми-практикалық «Дарын» орталығы  2015 жылдың 17-20 қарашасы күндері Шүлбі кентінде «Алтын дауыс» облыстық вокалистер конкурсын өткізетіні жайлы хабарлайды.

Конкурстың мақсаты: шығармашыл балаларды анықтау, дамыту және оларға қолдаукөрсету, сахнада ән айта білу шеберліктерін хабарластыру, жас вокалистерге шығармашылық қабілеттерін көрсетуге мүмкіндік беру.

Конкурс жалпы білім беретін мектептер мен облыстық мамандандырылған мектептердің 5-10 сынып оқушылары арасында болады.

Конкурс екіайналымда өткізіледі:

«Халықтық ән айту» - халықтық әндер, авторы белгілі халықтық стильдегі әндер;

«Эстрадалық ән айту» - кең таралған эстрадалық әндер, джаз шығармалары.

Конкурсқа әр ауданнан (қаладан), дарынды балаларға арналған облыстық мамандандырылған мектептерден 2 оқушыдан (әр қатысушы екі номинация бойынша) қатысады.

Конкурстың Ережесі www.shygysdaryny.kz сайтында жарияланған.

Конкурсқа қатысушыларда музыка аспаптары (аспаптық фонограмма – минус 1), USB-жинақ флешкасында минус 1 фонограммасы болуы шарт.

Қатысушыларды тіркеу үшін 2015 жылдың 10 қарашасына дейін Өскемен қаласы, Ворошилов көшесі, 79 (ШҚ ӨҒПО «Дарын») тел/факс 8/7232/552012 немесе vk_daryn@ mail.ru электронды мекен-жайына аудандық (қалалық) білім бөлімдерінің басшылары немесе облыстық мамандандырылған мектептердің директорларының қолы қойылған келесі үлгідегі өтінімді жіберу қажет:

Қатысушылардың Шүлбі кентіне келуі 17 қараша күні сағат 12.00-ге дейін, қайтуы 20 қараша күні сағат 09.00-ден кейін. Аудандардан (қалалардан), мамандандырылған мектептерден қатысатын 1 жетекші мен қатысушылардың тамақтануы мен тұруы ШҚ ӨҒП «Дарын» орталығының, жол шығындары жіберуші білім мекемелерінің есебінен төленеді.

Қатысушылардың барлығы өздерімен міндетті түрде:

1. туу туралы куәлігінің көшірмесін;

2. медициналық мекемеден арнайы анықтама (қосымша орыс нұсқада);

3. күнделікті және салтанатты киім;

4..концерттік нөмірлерге - костюмдер, фонограмма, музыкалық аспаптарын алып келулері қажет.