2015 жылдың 14-16 қазаны күндері Республикалық ғылыми-практикалық «Дарын» орталығы «Алатау» шипажайында (Алматы қ.) республикалық «Үздік авторлық бағдарлама» конкурсын өткізді. Конкурсқа еліміздің 150-ден астам мұғалімдері қатысты.

Шығыс Қазақстан облысы командасының намысын өңірлік ғылыми-практикалық «Дарын» орталығы өткізген облыстық кезеңінің жүлдегерлері – Өскемен және Семей қалаларындағы облыстық мамандандырылған дарынды балаларға арналған мектептердің 13 мұғалімі қорғап қайтты.

Республикалық конкурстың қорытындысы бойынша келесі мұғалімдер:

-  І дәрежелі дипломмен - Ташев Нурлыбек Есенбекович, Семей қаласындағы облыстық мамандандырылған дарынды балаларға арналған қазақ-түрік лицейінің физика пәні мұғалімі;

-  ІІ дәрежелі дипломмен – Отынбаева Гулшат Бекеновна, Семей қаласындағы Шәкәрім атындағы облыстық үш тілде оқытатын мамандандырылған дарынды балаларға арналған мектептің дене шынықтыру пәнінің мұғалімі;

ІІІ дәрежелі дипломмен:

-  Айтбаева Лимара Слямхановна, Семей қаласындағы Шәкәрім атындағы облыстық үш тілде оқытатын мамандандырылған дарынды балаларға арналған мектептің бастауыш сынып мұғалімі;

-  Дроздов Константин Олегович, Өскемен қаласындағы дарынды балалар үшін мамандандырылған №34 мектеп-лицейдің физика пәні мұғалімі;

-  Бақыбаева Майрат Бердімұратовна, Өскемен қаласындағы облыстық мамандандырылған дарынды балаларға арналған мектеп-лицей-интернатының тәрбиешісі марапатталды.

Қазақстан Республикасы Білім және ғылым министрлігінің грамотасымен:

-  Мусабекова Еркежан Толеугазыевна, Смагулова Аяулым Сайдесовна – Өскемен қаласындағы дарынды балаларға арналған Жамбыл атындағы облыстық арнайы мектеп-гимназия-интернаттың тәрбиешілері;

-  Нурпеисова Бағлан Баймұратқызы – Семей қаласындағы Шәкәрім атындағы облыстық үш тілде оқытатын мамандандырылған дарынды балаларға арналған мектептің химия пәні мұғалімі марапатталды.

Республикалық конкурстың барлық қатысушыларына сертификаттар табысталды.

Мұғалімдерді жеңістерімен құттықтаймыз!