1. Жалпы ереже
Аталған ереже «Қазақстан жаңа әлемде» атты облыстық конкурстың (бұдан әрі - Конкурс) мақсаты мен міндеттерін, өткізу ережелері мен шарттарын белгілейді.
Конкурсты ұйымдастырушы ШҚО білім басқармасы, Шығыс Қазақстан өңірлік ғылыми- практикалық «Дарын» орталығы (бұдан әрі - «Дарын ШҚ ӨҒПО»).
Мақсаты мен міндеттері:
- сурет және қолданбалы өнерден қабылеті бар оқушыларды анықтау және оларға қолдау көрсету;
- балалардың шығармашылық қабілеттерін ашу, дамыту;
- белсенділіктерін, қызығушылықтарын арттыру;
- туған жерінің, елінің мәдениетіне, салт-дәстүріне деген сүйіспеншілік сезімдерін ояту.
2. Конкурстың ұйымдастыру комитеті
Конкурсты ұйымдастыру үшін ұйымдастыру комитет құрылады (ары қарай- Ұйымдастыру комитеті).
Ұйымдастыру комитеті:
- Конкурстың әзірлеу мен өткізу жұмыстарын тікелей басшылыққа алып, жүзеге асырады;
- қазылар алқасының құрамын қалыптастырып бекітеді;
- Конкурсқа қатысуға өтініштер мен қажетті жұмыстарды қабылдайды;
- Конкурсқа талдау жасап, қорытындылайды, жеңімпаздарды марапаттайды.
3. Конкурсты ұйымдастыру мен өткізу тәртібі
Конкурс келесі жас ерекшеліктеріне қарай өтеді:
- 7-10 жас;
- 11-17 жас.
Конкурс бағыттары:
1) Сурет өнері;
2) Қолданбалы өнер.
Конкурс жұмыстары қалалық (аудандық) білім бөлімдері басшыларының, дарынды балаларға арналған облыстық мамандандырылған мектепт директорларының қолы қойылған өтінішпен қоса жіберіледі.
Конкурс 2015 жылғы 24 - сәуірде өткізіледі.
Конкурс жұмыстары 2015 жылғы 20 – сәуірге дейін Өскемен қаласы, Абай даңғылы, 21 мекен-жайында ( «Дарын» ШҚ ӨҒПО) қабылданады.
Әр қалалық, аудандық білім бөлімдерінен, дарынды балаларға арналған облыстық мамандандырылған мектептерден әр жас ерекшеліктері және бағыттары бойынша 4 жұмысқа дейін қабылданады.
Жіберілген жұмыстарға рецензия берілмейді және қайтарылмайды.
«Сурет өнері» бағытының талаптары:
1) жұмыстар көлемі 42х32 мөлшердегі рамалар (жақтау) форматында қабылданады;
2) жұмыстар талапқа сай орындалып, келесі мәліметтер көрсетілуі тиіс: орындаушының аты-жөні, жұмысының атауы, жас мөлшері, қала (аудан) оқитын мектебі, сыныбы, мұалімінің А.Ж.Т. (толығымен).
Бағалау критериилері:
- жұмыс атауының алынған тақырыпқа және мазмұнына сәйкестігі;
- өзіндік шешімі және орындалу шеберлігі;
- дербестігі, шығармашылық тұрғыдан келуі;
- жұмыстың сапалы орындалуы;
- талаптарға сай болуы.
«Қолданбалы өнері» бағытының талаптары:
1) Конкурстың бұл бағытына келесі техникада жасалған сәндік
бұйымдар қатыса алады: қолмен немесе машинамен тігілген жұмыстар, суретті кілем, батик, сәнді ұсақ моншақ, шыны тастар;
2) барлық орындалған жұмыстар этикеткамен жабдықталуы тиіс;
3) этикеткада келесі мәліметтер көрсетіледі: орындаушының аты-жөні, жұмысының атауы, жас мөлшері, қала (аудан) оқитын мектебі, сыныбы, мұалімінің А.Ж.Т. (толығымен)
Бағалау критериилері:
- ойының сонылығы;
- шығармашылық талғам;
- сапалы және көркем орындалыу;
- жұмыс атауының алынған тақырыпқа және мазмұнына сәйкестігі.
4. Конкурс жеңімпаздарын марапаттау
Конкурс жеңімпаздары «Дарын» ШҚ ӨҒПО грамоталарымен марапатталады. Барлық қатысушыларға сертификаттар табыс етіледі.