Шығыс Қазақстан облыстық білім басқармасының жұмыс жоспарына сәйкес өңірлік ғылыми-практикалық «Дарын» орталығы 8-11 сынып оқушылары арасында Қазақстан Республикасының Тәуелсіздік күніне орай «Мақтанышым – Тәуелсіз Қазақстан» атты облыстық бейнероликтер байқауын өткізді.

Байқаудың мақсаты – қазақстандық патриотизмді және әлеуметтік белсенділікті қалыптастыру, оқушылардың шығармашылық қабілеттерін дамыту.

Байқау 2 кезеңде өтті: I кезең – қалалық (аудандық), II кезең – облыстық.

Қатысушылар байқаудың қойылған міндеттеріне шығармашылықпен қарады. Оқушылардың бейнероликтерінде Егеменді еліміздің қалыптасуы мен Қазақстан Республикасының тәуелсіз жылдардағы табыстары мен жетістіктері бейнеленген.

Байқау қорытындысы бойынша 7 жеңімпаз анықталды. 1 жүлдегер І, 2 – ІІ, 4 – ІІІ орын грамоталарымен марапатталды.

Жеңімпаздарды құттықтаймыз! Барлығына табыстар тілейміз!