Дарынды оқушылардың ғылыми-зерттеушілік, оқу-танымдық қызметін ынталандыру және қолдау мақсатында 2014 жылдың  27 – 31 қазанында Бразилияның Ново-Гамбург қаласында оқушылардың 29-шы Халықаралық  «MOSTRATEC» олимпиадасы өткізілді.

Олимпиадаға әлемнің барлық елдерінен оқушылар қатысты. Шығыс Қазақстан облысынан аймақтың намысын 2 оқушы қорғады.

Біздің оқушылар  еліміздің және облысымыздың абыройын қорғап күміс және қола медальдарды иеленді:   

-  күміс медаль - Мәдина Бахтығазинова Үржар ауданы, Көлденең орта мектебінің 11 сынып оқушысы;

-  қола медаль - Жандос Каримов Семей қаласындағы «Шығыс Қазақстан облыстық дарынды балаларға арналған мамандандырылған қазақ-түрік лицейінің 11 сынып оқушысы жеңіп алды.

Олимпиада қатысушылары үшін мәдени-танымдық қызықты бағдарлама және Ново-Гамбург қаласының тарихи танымал жерлеріне саяхат ұйымдастырылды.

Жеңімпаздарды, мұғалімдер мен ата - аналарды жеңістерімен құттықтаймыз! Болашақта табыс тілейміз!