2014 жылы 16-26 мамыр аралығында Индия мемлекеті, Нью-Дели қаласындағы AMITY университетінің базасында өткен оқушылар олимпиадасында Шығыс Қазақстан облысының намысын дарынды оқушыларымыз қорғап қайтты. Олимпиада математика, физика, химия және биология пәндері бойынша болды. Халықаралық олимпиадаға жер шарымыздың түкпір-түкпірінен келген, атап айтатын болсақ Ауғанстан, Қазақстан, Қырғызстан, Индия мемлекеттерінің 200-ден астам дарынды оқушысы қатысты.

Шығыс Қазақстан облысының құрама командасына 5 оқушы қатысты:

1.    Смагұлов Азамат - Семей қаласындағы Шығыс Қазақстан облыстық дарынды балаларға арналған мамандандырылған қазақ-түрік лицейінің 9 сынып оқушысы;

2.    Аскеров Алямдар - Семей қаласындағы Шығыс Қазақстан облыстық дарынды балаларға арналған мамандандырылған қазақ-түрік лицейінің 9 сынып оқушысы;

3.       Тоқтауғажиева Әсем – Өскемен қаласындағы №3 көпсалалы мектеп-гимназиясының 11 сынып оқушысы;

4.       Кунанбаев Азат – Катонқарағай ауданының, Большенарым ауылдық лицейінің 11 сынып оқушысы;

5.       Айткажиев Ерасыл - Өскемен қаласындағы №3 көпсалалы мектеп-гимназиясының 11 сынып оқушысы.

Олимпиаданың қорытындысы бойынша Смагұлов Азамат пен Аскеров Алямдар үшінші дәрежелі диплом мен қола медаль иегерлері болды.

Индиядағы халықаралық олимпиададағы жеңіс – 2014 жылдағы облысымыздың дарынды оқушыларының тағы жарқын жетістіктерінің бірі деп білеміз.