2014 жылғы 30 сәуір мен 07 мамыр аралығында Шығыс Қазақстан облысының оқушылары Мәскеу қаласында өткен «Математика және жобалау» халықаралық конкурсына қатысты.

Конкурстың мақсаты: оқушылардың математика пәніне, зерттеу және жобалау қызметіне қызығушылықтарын арттыру, оқушылардың ақпараттық қатынас біліктіліктерін дамыту.

Конкурс жұмыстары төмендегі секциялар бойынша өткізілді:

-"Қоғам және табиғаттағы нақты процесстердің математикалық модельдері";

-"Геометриалық миниатюралар";

-"Математика және өнер";

-"Математика тарихы";

-"Математика ғылымы";

-"Электронды тақырыпты журнал".

Ғылыми конкурсқа Ресей, Болгария, Белоруссия, Казақстаннан 300 - ден астам оқушы жиналды. Шығыс Қазақстан облысының атынан  6 оқушы қатысты.  Халықаралық конкурстың қорытындысы бойынша 3 оқушы жүлделі орынды иеленді.

ІІІ дәрежелі дипломмен:

- Өскемен қаласы Оралхан Бөкей атындағы №44 мектеп-лицейдің 10 сынып оқушысы  Әмренова Дана;

- Өскемен қаласы № 38 мектеп-гимназияның 11 сынып оқушысы Каримова Сабина;

- Семей қаласы экономикалық лицейдің 11 сынып оқушысы Сальменбаев Али марапатталды.

Халықаралық конкурстың сертификаты:

- Өскемен қаласы Оралхан Бөкей атындағы №44 мектеп-лицейдің 11 сынып оқушысы  Оразбаева Сабинаға;

- Семей қаласындағы Шәкәрім атындағы облыстық үш тілде оқытатын мамандандырылған дарынды балаларға арналған мектептің 10 сынып оқушысы Медетов Ермухаметке;

- Семей қаласы экономикалық лицейдің 11 сынып оқушысы Жанабилова Айсанаға берілді.  

Конкурс қатысушыларына арнайы мәдени танымдық бағдарлама, Мәскеу, Дмитров қалаларына белгілі тарихи жерлерде экскурсия ұйымдастырылды.

Жүлдегерлерді, мұғалімдер мен ата-аналарды құттықтаймыз. Сәттілік пен жаңа жеңістер тілейміз!