Шығыс Қазақстан облысы білім басқармасының жұмыс жоспарына сәйкес 2014 жылдың 26 сәуірінде Шығыс Қазақстан өңірлік ғылыми-практикалық «Дарын» орталығы бастауыш сынып оқушыларының облыстық олимпиадасын өткізді.

Шараның мақсаты - Шығыс Қазақстан облысының дарынды оқушыларын қолдап, мүмкіндіктерінің толық ашылуына көмек көрсетіп, шығармашылық және интеллектуалдық әлеуетін қалыптастыру.

Облыстың барлық аудандары мен қалаларынан 260-тан астам қатысушы - 4 сынып оқушылары қазақ тілі, орыс тілі, әдебиет, математика, дүниетану, бейнелеу өнері пәндерінен білімдерін көрсетті.

Олимпиаданың қорытындысы бойынша 95 жүлдегер анықталды: оның ішінде І дәрежелі дипломмен – 22 оқушы, ІІ дәрежелі дипломмен – 28 оқушы, ІІІ дәрежелі дипломмен – 45 оқушы марапатталды.

Жалпыкомандалық есепте«2014 жылдың үздік командасы» номинациясында:

І орынмен - Семей қаласының командасы;

ІІ орынмен - Абай ауданының командасы;

ІІІ орынмен - Өскемен қаласындағы Назарбаев Зияткерлік мектебі командасы марапатталды.

Олимпиада жеңімпаздарын даярлаған мұғалімдерге "Олимп шыңына жетелеуші" номинациясында грамоталар берілді.

Олимпиаданың барлық қатысушыларына сертификаттар, жеңімпаздарға дипломдар мен сыйлықтар берілді.