2013 жылғы 30 сәуір мен 04 мамыр аралығында Шығыс Қазақстан облысының оқушылары Мәскеу қаласында өткен «Математика және жобалау» халықаралық конкурсына қатысты.

Конкурстың мақсаты: оқушылардың математика пәніне, зерттеу және жобалау қызметіне қызығушылықтарын арттыру, оқушылардың ақпараттық қатынас біліктіліктерін дамыту.

Конкурс жұмыстары төмендегі секциялар бойынша өткізілді:

-Қоғам және табиғаттағы нақты процесстердің математикалық модельдері

-Геометриалық миниатюралар

-Математика және өнер

-Математика тарихы

-Математика ғылымы

-Электронды тақырыпты журнал.

Өңірлік ғылыми практикалық «Дарын» орталығы ұйымдастырған команда құрамында түрлі интеллектуалды конкурстар мен олимпиадалардың жүлдегерлері болды. Халықаралық конкурстың қорытындысы бойынша Шығыс Қазақстан облысының командасы 7 жүлделі орын жеңіп алды.

ІІ дәрежелі дипломмен:

- Турганбаев Ануар – Семей қаласындағы экономикалық лицейдің оқушысы;

- Нұрлыбеков Нәдірбек – Семей қаласындағы дарынды балаларға арналған Ш.Уәлиханов атындағы «Жас ұлан» арнайы ерлер мектеп-лицей-интернаттың оқушысы марапатталды.

ІІІ дәрежелі дипломмен:

- Еркінова Мадина – Өскемен қаласындағы № 3 көпсалалы мектеп-гимназияның оқушысы;

- Асаубаева Арайлым – Семей қаласындағы Шәкәрім атындағы облыстық үш тілде оқытатын мамандандырылған дарынды балаларға арналған мектептің оқушысы;

- Жантуякова Зере – Өскемен қаласындағы №38 мектеп гимназияның оқушысы;

- Мадиев Мирас – Өскемен қаласындағы облыстық дарынды балаларға арналған мамандандырылған қазақ-түрік лицейдің оқушысы;

- Есимбеков Айбас – Семей қаласындағы экономикалық лицейдің оқушысы марапатталды.

Халықаралық конкурсқа қатысқаны үшін сертификат Өскемен қаласындағы Шығыс Қазақстан облыстық дарынды балаларға арналған мамандандырылған қазақ-түрік лицейдің оқушысы Шаймарданов Жандосқа және Семей қаласындағы № 39 ОМ оқушысы Байсаков Аскарға берілді.

Конкурс қатысушыларына арнайы мәдени танымдық бағдарлама, Мәскеу қаласындағы белгілі тарихи жерлерде экскурсия ұйымдастырылды.

Жеңімпаздарды, мұғалімдер мен ата-аналарды құттықтаймыз. Сәттілік пен жаңа жеңістер тілейміз!