2026 жылғы 9-12 қараша күндері Өскемен қаласындағы №48 мектеп-қосымша білім беру орталығы базасында 9-11 сынып оқушылары арасында футзалдан «Теңбіл доп» Ұлттық Мектеп лигасының облыстық кезеңі өтті.
Мақсат – оқушыларды дене шынықтыру және спортпен жүйелі түрде айналысуға тарту.
Ойындар FIFA бекіткен футзалдың халықаралық ережелеріне сәйкес өткізілді.
Жарыс қорытындысы бойынша жүлделі орындарға ие болған командалар:
Ұлдар арасында:
І орын – «№48 мектеп-қосымша білім беру орталығы» КММ, Өскемен қаласы;
ІІ орын – «Өскемен қаласындағы Шығыс Қазақстан облыстық дарынды балаларға арналған мамандандырылған «Білім-Инновация» лицейі» КММ;
ІІІ орын – Шәкәрім атындағы №4 жалпы орта білім беретін мектебі» КММ, Шемонаиха ауданы.
Қыздар арасында:
І орын – «Облыстық мамандандырылған IT-мектеп-лицейі» КММ;
ІІ орын – «№27 орта мектебі» КММ, Өскемен қаласы;
ІІІ орын – «Таврия орта мектебі» КММ, Ұлан ауданы.
Жеңімпаздарды жоғары нәтижелерге қол жеткізуімен құттықтаймыз! Барлық қатысушыларға жаңа жеңістер тілейміз!