2026 жылдың 21 қазанында №46 орта мектебінің базасында 9-10 сынып оқушыларына арналған жас тарихшылардың «Менің шағын Отаным» атты республикалық интеллектуалдық конкурсының облыстық кезеңі өткізілді.
Негізгі мақсаты – оқушылардың туған өлке тарихына қызығушылығын арттыру, өлкетану зерттеуін жүргізу, тарихи дереккөздерді іздеу, талдау және салыстыру, негізделген қорытындылар тұжырымдау, сондай-ақ зерттеу нәтижелерін көпшілік алдында таныстыру дағдыларын дамыту.
Конкурсқа Шығыс Қазақстан облысының жалпы білім беретін мекемелерінің 9-10 сынып оқушылары – аудандық және қалалық кезеңдерінің жеңімпаздары қатысты.
Конкурс 2 кезеңде өткізілді:
1 кезең - Қазақстан тарихы бойынша тестілеу;
2 кезең 4 номинация бойынша:
- «Өлкемнің цифрлық шежіресі»;
- «Бір жәдігер – бір тарих»;
- «Тұлға және дәуір: цифрлық тарихи портрет»;
- «Ақылды өлке: болашаққа арналған шешім».
Облыстық конкурсты өткізу барысында қатысушылар:
- туған өлкенің тарихын зерттеп, мұрағат құжаттарын, тарихи дереккөздер мен басқа да материалдарды талдады, зерттеу нәтижелерін цифрлық құралдар арқылы ұсынды;
- тарихи нысандардың, артефактілердің, дәстүрлердің және өңірдің басқа да тарихи-мәдени мұраларының тарихы мен құндылығын ашып көрсетті;
- туған өлкенің дамуына үлес қосқан көрнекті тұлғалардың өмір жолы мен қызметін зерттеп, олардың тарихи маңызын бағалады;
-.тарихи-мәдени мұраны сақтау мәселелерін анықтап, өңірді дамытуға бағытталған практикалық идеялар мен шешімдер әзірледі.
Қатысушылардың жұмысын қазылар алқасының мүшелері – облыстың жоғары оқу орындарының ғалымдары бағалады.
Конкурс қорытындысы бойынша 20 оқушы (18 жоба) жүлдегер атанды. І дәрежелі дипломмен - 5 оқушы, ІІ дәрежелі - 7 оқушы, ІІІ дәрежелі – 8 оқушы марапатталды.
Конкурстың жеңімпаздары мен жүлдегерлерін құттықтаймыз!
Табыс пен жаңа жеңістер тілейміз!