2026 жылғы 14 қазан күні Өскемен қаласындағы «Нұрорда» мектеп-лицейінің базасында FIRST CANOPY 2026–2027 халықаралық робототехника маусымы аясындағы ұлттық кезеңі бойынша мұғалімдерге арналған оқу-жаттығу кезеңі (Scrimmage) өтті.

Оқу-жаттығу кезеңіне қалалық және аудандық білім бөлімдерінің мұғалімдері мен әдіскерлері қатысты.

Іс-шараның негізгі мақсаттары мен міндеттері:

- педагогтердің білім беру және спорттық робототехника саласындағы кәсіби құзыреттерін арттыру;

- мектеп командаларын FIRST Robotics жарыстарына дайындаудың озық әдістемелерімен таныстыру;

- өңір мектептерінде STEM-білім беруді қолдау және дамыту.

Оқу-жаттығу кезеңі аясында қатысушылардың практикалық дағдыларын қалыптастыруға және тәжірибе алмасуына бағытталған робототехника бойынша шеберлік сабақтары мен практикалық сабақтар өткізілді.

Іс-шара қорытындысы бойынша барлық қатысушыларға сертификаттар табысталды.