2013 жылдың 22 ақпанында «Дарын» республикалық  ғылыми-практикалық орталығы «Қазақстандық Интернет Олимпиадалар» ақпараттық порталымен бірлесе отырып, психологиядан қашықтық олимпиада өткізіді.

Олимпиадаға Қазақстанның қалалары мен аудандарының, соның ішінде Шығыс Қазақстанның жалпы білім беретін мектептерінің психологтары қатысты. 25 және одан көп ұпай жинаған үздік қатысушыларға виртуалды сыйлықтар мен «Ең жақсы аудан/қала нәтижесі» медальдары табыс етілді.

РҒП «Дарын» орталығының дипломдарын алған Шығыс Қазақстан облысы жеңімпаздары:

- Жанар Боленханова – Катон-Қарағай ауданындағы Аршаты орта мектебінің психологы;

- Динара Аралбекова – Семей қаласындағы №38 жалпы білім беретін орта мектептің  педагог-психологы.

Жүлдегерлерді шын жүректен жеңіспен құттықтаймыз, қызметте кәсіби табыс тілейміз!