Шығыс Қазақстан облысының білім басқармасы «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығының жұмыс жоспарына сәйкес 2024 жылғы 30 қаңтарда Өскемен қаласындағы№1 балалар музыка мектебі базасында жалпы білім беретін мектеп оқушылары арасында «Әбіш оқулары» республикалық ғылыми-шығармашылық конкурсының облыстық кезеңі өткізілді.
Конкурстың мақсаты – мектеп оқушылары арасында Әбіш Кекілбаевтың шығармаларын насихаттау, олардың шығармашылық қабілеттерін, сөз мәдениетін дамыту, жазушының рухани мұрасына деген сүйіспеншілікке тәрбиелеу.
Конкурсқа облыстың жалпы білім беретін мектептерінен жалпы саны 90-ға жуық оқушы қатысты.
Әбіш оқулары 4 бағыт бойынша өткізілді:
1. Үй тапсырмалары – Ә. Кекілбаев шығармаларынан иллюстрациялық суреттер салу;
2. Ә. Кекілбаевтың шығармаларын (прозасы, поэзиясынан) мәнерлеп оқу;
3. Шығармашылық жұмыс – Ә. Кекілбаевтың шығармалары бойынша зерделеу жоба байқауы;
4. Ә. Кекілбаевтың шығармаларынан сахналық қойылым.
Конкурс қорытындысы бойынша 56 оқушы жүлдегер атанды:
- Бас жүлде – 8;
- І орын – 8;
- ІІ орын – 16;
- ІІІ орын – 24.
Жүлдегерлер дипломдармен марапатталып, барлық қатысушыларға сертификаттар табысталды.
Облыстық кезеңнің жеңімпаздары байқаудың республикалық кезеңінде Шығыс Қазақстан облысының атынан қатысады.
Дарынды жеңімпаздарымыз бен жүлдегерлерімізді құттықтаймыз!
