2023 жылғы 13-14 желтоқсанда жалпы білім беретін пәндер бойынша республикалық зерттеу жобалар конкурсының облыстық кезеңінің ІІ туры өтті.

Облыстық кезеңнің 100-ден астам жеңімпазы мен жүлдегері бейіндік пән бойынша онлайн тестілеуге қатысты.

Тестілеу деңгейлер бойынша құрастырылған 60 тест тапсырмасынан тұрып, оларды орындауға 2 астрономиялық сағат бөлінді.

Бақылаушылар ретінде Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы, Шығыс Қазақстан облысының білім саласында сапаны қамтамасыз ету департаментінің өкілдері мен БАҚ өкілдері қатысты.

Тестілеу қорытындысы бойынша шекті ұпай жинаған қатысушылардың жұмысы алдын-ала сараптамаға жіберіліп, соның нәтижесі бойынша қорытынды кезеңге қатысушылар анықталады.