2023 жылдың 23-26 қазан аралығында Шығыс Қазақстан облысының құрама командасы «Ұлы өнертапқыштыққа алғашқы қадам» республикалық инновациялық идеялардың конкурсына қатысты. Конкурс онлайн режимінде өтті.

Байқаудың мақсаты: білім алушыларды ғылым мен техниканың әр түрлі салаларында зерттеу, өнертапқыштық қызметке тарту, дарынды балаларды қолдау, тұлғаның шығармашылық құзыреттілігінде бәсекелестік артықшылықтарын қалыптастыру үшін жағдай жасау.

Шығыс Қазақстан облысынан байқаудың облыстық кезеңінің 8 жеңімпазы қатысты.

Байқау қорытындысы бойынша:

- «Әскери техника саласындағы техникалық құрастыру» номинациясында ІІІ орынды Күршім ауданы, Алғабас орта мектебінің 8 сынып оқушысы Жұмахан Омар;

- «Космонавтика және аэрокосмос техникасы саласындағы жобалар» номинациясында ІІІ орынды Шемонаиха ауданы, Н.А Островский атындағы №1 жалпы білім беретін орта мектеп – гимназиясының 11 сынып оқушысы Вахитов Дмитрий иеленді.

Конкурс жеңімпаздары дипломдармен және бағалы сыйлықтармен марапатталады.

Жеңімпаз дипломдарының, жетекшілердің алғыс хаттарының, қатысушы сертификаттарының электрондық нұсқалары www.ziyatker.org сайтта орналастырылған.