1. Жалпы ережелер

1.1. Осы ереже «Дене шынықтыру» пәні бойынша облыстық оқушылар Олимпиадасының (бұдан әрі – Олимпиада) мақсаттары мен міндеттерін, ұйымдастырылуын қамтамасыз етуді, өткізу және қаржыландыру тәртібін, қатысушыларды, жеңімпаздарды және жүлдегерледі анықтауды айқындайды.

1.2. Олимпиаданың негізгі мақсаттары мен міндеттері:

1) мектептің білім беру бағдарламасы шеңберінде білім алушылардың мектеп тәжірибесін байыту;

2) дене шынықтырумен жүйелі түрде айналысуға тұрақты қызығушылық пен қажеттілікке тәрбиелеу;

3) жалпы білім беретін мектептерде дене шынықтыру мен спортты дамыту деңгейін арттыру;

4) дене тәрбиесі арқылы білім алушыларды достыққа баулу;

5) ғылыми білімді насихаттау және білім алушылардың ғылыми қызметке деген қызығушылығын дамыту;

6) олардың шығармашылық қабілеттерін дамыту, теориялық білімдері мен практикалық дағдыларын тереңдету;

7) жеке тұлғаның өзін-өзі жүзеге асыруына жәрдемдесу;

8) дарынды балаларды анықтау үшін қажетті жағдай жасау.

4. Олимпиадаға қатысушылар

4.1. Олимпиадаға денсаулық жағдайы бойынша негізгі медициналық топқа жататын жалпы білім беретін мектептердің, гимназиялар мен лицейлердің 5-6, 7-8 сынып оқушылары, «Дене шынықтыру» пәні бойынша олимпиаданың бірінші кезеңінің жеңімпаздары мен жүлдегерлері қатысады.

Олимпиада теориялық және практикалық бөлім бойынша екі жас тобында өткізіледі:

1 топ – 5-6 сыныптар – 10 оқушы (5 ұл, 5 қыз);

2 топ – 7-8 сыныптар – 10 оқушы (5 ұл, 5 қыз).

4.2. Облыстық олимпиадаға қатысушы білім алушылармен бірге жүретін жауапты тұлғалар олимпиаданы өткізу орнына, оны өткізу кезінде және тұрғылықты жеріне қайту жолында қауіпсіздікті қамтамасыз етеді.

5. Олимпиаданың жұмыс органдары

5.1. Олимпиаданы ұйымдастыру және өткізу бойынша жалпы басшылықты Ұйымдастыру комитеті жүзеге асырады.

Олимпиаданың Ұйымдастыру комитеті:

1) олимпиаданы өткізудің жалпы тәртібін айқындайды;

2) тікелей басшылықты жүзеге асырады;

3) дене шынықтыру бойынша оқушылардың пәндік олимпиадасын өткізу бойынша әдістемелік ұсынымдарды басшылыққа алады;

4) Олимпиаданың ұйымдастыру комитетінің төрағасына төрешілер алқасы мүшелерінің құрамы мен саны бойынша ұсыныстар енгізеді;

5) Олимпиада қорытындыларын талдайды және жинақтайды, бұйрық жобаларын және Олимпиаданың қорытынды шешімін дайындауға қатысады;

6) Олимпиада материалдарын БАҚ және әлеуметтік желілерде жариялайды.

5.2. Олимпиаданың бірінші кезеңіне басшылықты жүзеге асыру үшін аудандық (қалалық) ұйымдастыру комитеттері құрылады. Олардың құрамын білім бөлімдерінің тиісті органдары бекітеді.

6. Олимпиаданың төрешілер алқасы

6.1. Олимпиаданың төрешілер алқасының құрамына төраға, хатшы және төрешілер алқасының мүшелері кіреді.

6.2. Төрешілер алқасының құрамына жоғары оқу орындарының, колледждердің оқытушылары, өткен жылдардағы республикалық және халықаралық олимпиадалардың жеңімпаздары, әдіскерлер, тәжірибелі мұғалімдер және жоғары біліктілігі бар (педагог-зерттеушіден төмен емес) білім бөлімдерінің өкілдері кіруі мүмкін.

Төрешілер алқасының құрамына олимпиада кезеңдеріне қатысушы оқушылардың педагогтары қосуға тыйым салынады.

6.3. Олимпиаданың төрешілер алқасы:

1) қатысушылардың жұмысын бағалаудағы даулы мәселелерді талқылайды және қажет болған жағдайда тиісті түзетулер енгізеді;

2) жеңімпаздарды айқындайды және жүлделі орындар беру үшін Олимпиаданың ұйымдастыру комитетіне ұсыныстар береді;

3) Олимпиадаға қатысушылармен орындалған тапсырмаларды талқылау мен үйлестіруді жүргізеді.

7. Нәтижелерді анықтау

7.1. Олимпиада теориялық және практикалық бөлімдерде ұпай сомасы бойынша үш жүлделі орынды айқындай отырып, жеке-командалық біріншілік ретінде өткізіледі.

7.2. Бірнеше қатысушылар мен командалардың нәтижелері тең болған жағдайда, практикалық тапсырманың жеке жаттығуларын орындау кезінде оларға бірдей ұпай саны беріледі.

7.3. Бірнеше қатысушылар мен командалардың ұпайлары тең болған жағдайда практикалық тапсырманың жеңімпазы және басқа қатысушылар мен командалар алатын орындар практикалық байқаудың басымдығына сәйкес анықталады.

7.4. Теориялық тапсырмаларды орындау кезінде қатысушы мен команданың орны барлық қатысушылардың дұрыс жауаптарының санын салыстыру арқылы анықталады.

7.5. Олимпиаданың жалпы командалық есебінде команданың теориялық және практикалық бөлімдерде жинаған ұпайларының саны жинақталады. Жеңімпаз бен жүлдегерлер жинаған ұпайларының ең көп сомасы бойынша анықталады. Ұпайлар тең болған жағдайда Олимпиаданың практикалық бөлімінде үздік нәтиже көрсеткен командаға басымдық беріледі.

9. Олимпиаданы қаржыландыру