2012 жылғы қаңтарының 13 мен 19 аралығында Алматы қаласында физика-математикалық мектептер арасындағы ғылыми білімдерді насихаттау, ел аралық қатынасты дамыту және нығайту мақсатында математика, физика және информатика пәндері бойынша VІІІ халықаралық Жәутіков олимпиадасы өтті.

Сайыс О.А.Жәутіков атындағы физика-математика республикалық арнайы мектеп-интернатында жүргізілді. Олимпиадаға әлемнің 14 елінен шамамен 470 оқушы қатысты.

Шығыс Қазақстан облысының командасының құрамында мына оқушылар болды:

1. Өскемен қаласының облыстық дарынды балаларға арналған математика, физика, информатика саласындағы арнайы мектеп-лицейінен:

- Святова Александра;

- Саблин Николай;

- Хусаинов Ильяс;

- Сагадиева Сауле.

2. Өскемен қаласының қазақ-түрік лицейінен - Мукашев Ануар.

3. Өскемен қаласының О.Бөкей атындағы № 44 мектеп-лицейінен - Серикбеков Сұлтан.

Олимпиада қорытындысы бойынша ІІІ - дәрежелі диплом мен қола медальді Мукашев Ануар жеңіп алды.

Жүлдегерді жеңісімен құттықтаймыз! Олимпиаданың барлық қатысушыларына, олардың мұғалімдеріне және ата-аналарына бұдан былай сәттіліктер тілейміз!