2023 жылғы 21-25 ақпан аралығында Шығыс Қазақстан облысының командасы Қазақстан Республикасы Қорғаныс министрлігі Спорт комитеті орталық спорт клубының оқу-жаттығу орталығы базасында «Жас Сарбаз» республикалық балалар-жасөспірімдер әскери-патриоттық қозғалысының тәрбиеленушілері арасында «Қалқан» Республикалық қысқы спартакиадасына қатысты (филиал, Алматы облысы, п. Панфилов).

Спартакиаданың негізгі міндеттері:

- жасөспірімдердіәскери-патриоттық тәрбиелеу;

- әскери қызметтің мәртебесін көтеру;

- тәрбиелеудің және тұлға болып дамудың маңызды құралы ретінде дене даярлығы мен спортты насихаттау;

- жасөспірімдердің өзара көмектесу және жолдастық қолдау көрсету сезімдерін тәрбиелеу;

- салауатты өмір салтын насихаттау.

Жарыс бағдарламасы:

- 3 км шаңғы жарысы;

- пневматикалық мылтық ату;

- белтемірде тартылу;

- Арқаға жатып денені көтеру.

Спартакиадаға Қазақстанның барлық өңірлерінен 17 команда қатысты. Жалпы командалық есепте ШҚО командасы 6 орынға ие болды.

Проскуряков Даниил Евгеньевич 178 ұпаймен IV жас тобы арасында жекелей есепте 2 орынды иеленді.

Қатысушыларды марапаттау рәсімі Қазақстан Республикасы Қорғаныс министрлігінің Армия үйінде өтті. «Жас Сарбаз» республикалық әскери-патриоттық қозғалысының тәрбиеленушілерін жарыстың аяқталуымен атақты спортшылар – олимпиада чемпионы Ольга Рыпакова және әлем чемпионының қола жүлдегері, дзюдошы Гусман Қырғызбаев құттықтады.