I. Жалпы ережелер

2-11 сынып оқушылары арасында тоғызқұмалақтан Республикалық олимпиаданың (бұдан әрі - Олимпиада) облыстық кезеңі тоғызқұмалақтан республикалық олимпиаданы өткізу регламенті, оқушылар арасында спорттық іс-шараларды ұйымдастыру және өткізу қағидалары негізінде өткізіледі.

Осы ереже Олимпиаданың мақсаттарын, міндеттерін, өткізу тәртібі мен қаржыландырылуын айқындайды.

ІІ. Мақсаттары мен міндеттері

Олимпиаданың мақсаттары мен міндеттері:

- білім алушылар арасында Тоғызқұмалақты дәріптеу, олардың ұлттық спорт түрлері бойынша шеберлігін арттыру;

- білім алушылардың зияткерлік қабілеттерін дамыту;

- Шығыс Қазақстан облысында тоғызқұмалақ бойынша үздік оқушыларды анықтау.

ІІІ. Ұйымдастыру мен өткізуге басшылық ету

Олимпиаданы ұйымдастыру мен өткізуге жалпы басшылықты ШҚО білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы (бұдан әрі – ДпҚББД ШҚ ҒӘ «Дарын») жүзеге асырады.

Жарысты тікелей өткізуді ДпҚББД ШҚ ҒӘ «Дарын» орталығы бекіткен төрешілер алқасы жүзеге асырады.

Олимпиаданың мектепішілік және аудандық/қалалық кезеңдерін өткізу жауапкершілігі аудандық және қалалық білім бөлімдеріне, спорт бөлімдеріне және білім беру ұйымы басшыларына жүктеледі.

Олимпиаданың кезеңдерін өткізу үшін ұйымдастыру комитеті құрылады. Олимпиаданың ұйымдастыру комитеті:

- жарыстарға қатысуға өтінімдер қабылдайды;

- жарыстарды өткізу кестесін анықтайды;

 - кестеде көрсетілген мерзімнен бір ай бұрын жарыстарды өткізу кестесіне өзгерістер енгізеді;

 - командалар мен қатысушыларды жарыстарға жіберу жөніндегі комиссия құрады;

 - бас төрешілер алқасының құрамын бекітеді;

- жарысқа қатысушылардың құқықтарының сақталуын қамтамасыз етеді;

- Олимпиада кезеңдерін өткізу туралы есеп жасайды.

ІV. Олимпиаданы өткізу ережелері, орны, мерзімі

Олимпиада үш кезеңде өткізіледі:

1 кезең (мектеп біріншілігі) - мектепішілік жарыстар (24 ақпанға дейін 2023 жыл). Мақсаты - мектеп құрамасын қалыптастыру, мектеп деңгейінде жеңімпаздарды анықтау: 5 ұл және 5 қыз. Мектепішілік жарыстарды және олардың жеңімпаздарын өткізу кестесі спорт бұрыштарында, стендтерде орналастырылады.

2 кезең (аудан біріншілігі) – қалалық және аудандық жарыстар (2023 жылдың 24 ақпанына дейін). Мақсаты - аудан, қала деңгейінде жеңімпаздарды анықтау. Нәтижелері бойынша аудан/қала құрамасы анықталады: 5 ұл және 5 қыз.

3 кезең (облыс біріншілігі) – облыстық жарыстар (2023 жылғы 15 наурызға дейін, онлайн). Мақсаты - облыстық деңгейде жеңімпаздарды анықтау. Нәтижелері бойынша облыс құрамасы анықталады: 5 ұл және 5 қыз.

Олимпиаданың бірінші (іріктеу) және екінші (іріктеу) кезеңдерін өткізу мерзімдері мен форматы аудандық (қалалық) білім бөлімдері басшыларының, білім беру ұйымдары директорларының бұйрықтарымен айқындалады.

Олимпиаданың 1 кезеңін (мектепішілік) және 2 кезеңін (қалалық және аудандық) өткізу туралы есептер 2023 жылғы 28 ақпанға дейін Өскемен қ., Абай даңғылы, 21, 1-қабат, каб. 106 мекенжайы бойынша ДпҚББД ШҚ ҒӘ «Дарын» орталығына жіберіледі. е-mail: sporturizm@shygysdaryn.kz.

V. Олимпиада қатысушылары

Тоғызқұмалақтан олимпиадаға Шығыс Қазақстан облысының жалпы білім беретін 2-11 сынып оқушылары қатыса алады:

VI. Олимпиаданы өткізу шарттары

Тоғызқұмалақ бойынша жарыстар Қазақстан Республикасы Мәдениет және спорт министрлігінің Спорт және дене шынықтыру істері комитеті мен Қазақстан Республикасының тоғызқұмалақ республикалық спорт федерациясы бекіткен қолданыстағы ережелер бойынша өткізіледі.

Олимпиада ұлдар мен қыздар арасында, рапид бойынша бөлек өткізіледі 2-4, 5-8, 9-11 сыныптар.

Олимпиада Швейцария жүйесі бойынша 7 немесе 9 турда өтеді (командалар санына байланысты).

Барлық жарыстарға ескерту: жарыстарды өткізу кестесі мен жүйесін төрешілер алқасы командалар санына қарай түзете алады.

VII. Жеңімпаздарды анықтау

Тоғызқұмалақ бойынша жеңімпаздар Қазақстан Республикасы Мәдениет және спорт министрлігінің Спорт және дене шынықтыру істері комитеті мен Қазақстан Республикасының тоғызқұмалақ республикалық спорт федерациясы бекіткен қолданыстағы ережелермен айқындалады. Жеке біріншіліктерде жеңімпаздар ойыншының жеке нәтижесіне байланысты анықталады. Командалық біріншіліктерде командалық орындар команданың нәтижесіне қарай бөлінеді.

VIII. Өтінім құжаттамасы

Командалардың қатысуына өтінімдер финалдық жарыстарда (облыстық кезең) 2023 жылғы 28 ақпанға дейін электронды түрде беріледі е-mail: sporturizm@shygysdaryn.kz.

Сканерленген форматтағы өтінім құжаттары мыналарды қамтиды:

 - 1 кезеңді (мектепішілік) және 2 кезеңді (қалалық және аудандық) өткізу туралы есеп;

- туу туралы куәлік, жеке куәлік немесе төлқұжат;

- осы жарысқа команда жіберетін медициналық мекеме, ұйым куәландырған өтінім;

- оқу орнынан мектеп директорының қолы қойылған фотосуреті бар анықтамалар (мөр фотосуреттің бұрышында орналасуы тиіс);

- білім беру ұйымының оқушылардың өмірі мен қауіпсіздігі үшін жауапкершілік туралы бұйрығы.

Олимпиада регламенті бұзылған жағдайда - құжаттарды бұрмалау (қатысушының жасы, оқу орны) команда жарыстан шығарылады. Анықтама телефоны: 8(7232)70-26-74, 8(777)9842646.

IX. Қатысушылардың қауіпсіздігі

Жарыс өткізу кезеңінде оқушылардың өмірі мен қауіпсіздігі үшін өкіл-жаттықтырушылар жауапты болады. Олимпиаданың барлық кезеңдерінде командалардың жарыс өтетін жерге келуі жергілікті полиция қызметінің сүйемелдеуімен жүзеге асырылуы тиіс.

X. Олимпиада қатысушыларын марапаттау және қорытындылау

Олимпиада жеңімпаздарын төрешілер алқасының мүшелері анықтайды.

Жарыстың облыстық кезеңінің жеңімпаздары дипломдармен марапатталады. Жеке және командалық есепте І, ІІ, ІІІ дәрежелі (жаттықтырушыны көрсете отырып). Қалған қатысушыларға қатысу туралы сертификаттар беріледі.

Олимпиаданың қорытындысы 2023 жылдың 15 наурызына дейін ДпҚББД ШҚ ҒӘ «Дарын» орталығының сайтында орналастырылады: https://www.shygysdaryn.kz /

XI. Олимпиаданы қаржыландыру

Іс-шараны қаржыландыруды бекітілген сметаға сәйкес ДпҚББД ШҚ ҒӘ «Дарын» орталығы жүзеге асырады.

Олимпиаданың бірінші және екінші кезеңдерінің шығындарын аудандық, қалалық білім бөлімдері, спорт бөлімдері және білім беру ұйымдарының басшылары өтейді.

Командаларды іссапарға жіберуге байланысты шығындарды (екі жаққа да жол жүру, жарыс кезінде тәуліктік жол жүру, тұру және тамақтану) жіберуші жақ  жарыстың барлық кезеңдерінде өтейді.