Шығыс Қазақстан облысы білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы  2023 жылдың 28 сәуірінде «Қазақстан балалары шексіз әлемде!» республикалық балалар киносы фестивалінің облыстық кезеңін (бұдан әрі - Фестиваль) қашықтықтан өткізеді.

Фестивальге жалпы және орта, қосымша білім беру ұйымдарының 14-17 жастағы оқушылары қатыса алады.

Осыған орай, қалалардың (аудандардың) білім бөлімдері басшыларының, дарынды балаларға арналған мамандандырылған облыстық мектеп директорларының қолы қойылған фестиваль-байқауға өтінімдерді және http://www.youtube.com каналына орналастырылған бейне материалдар сілтемелерін rhet-2018@mail.ru электрондық мекенжайына 2023 жылдың 20 сәуіріне дейін жіберу қажет.