1. Жалпы ережелер

1. Балалар музыка және өнер мектептерінің білім алушылары – жас музыканттардың облыстық кезеңін республикалық фестиваль-байқауын (бұдан әрі – Фестиваль-байқау) өткізу ережелері оның мақсатын, міндеттерін, форматын, өткізу, қаржыландыру және қорытынды  шығару тәртібін анықтайды.

2. Фестиваль-байқаудың мақсаты: оқушылардың музыкалық-эстетикалық тәрбиесін жетілдіру, олардың орындаушылық шеберлігін арттыру, заманауи қоғамда музыкалық өнерді насихаттау, музыкалық өнер мен білім берудегі жаңа прогрессивті үрдістермен классикалық дәстүрлердің өзара әрекеттесуін іздеу, балалар музыка мектептері мен өнер мектептерін дамыту, білім алушылардың тұлғасын тәрбиелеудегі, оқытудағы және шығармашылық дамуындағы олардың рөлін арттыру.

3. Фестиваль-байқаудың міндеттері:

1) музыкалық өнердің жоғары көркемдік үлгілері негізінде жас музыканттарды тәрбиелеу және рухани-адамгершілігін дамыту, білім алушыларда танымдық қызығушылықты және эмоциялық қабылдауды қалыптастыру;

2) жас музыкант-орындаушылардың шығармашылық тұрғыдан өзін-өзі жүзеге асыруы және олардың мәдениет саласындағы әлеуметтік бейімделуі үшін жағдай жасау;

3) республиканың білім беру ұйымдары арасында тығыз шығармашылық байланыс орнату, орындаушылық және педагогикалық тәжірибе алмасу;

4) жас музыканттардың орындаушылық шығармашылыққа қызығушылығын жандандыру, әрі қарай қолдау және олардың шығармашылық белсенділігі мен кәсіби бағдарын ынталандыру мақсатында талантты балалардың жаңа есімдерін анықтау;

5) балаларды іс-шараларға тарту арқылы қосымша білім берумен қамтуды арттыруға ықпал ету.

4. . Байқаудың ұйымдастырушысы Шығыс Қазақстан облысының білім басқармасы, Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы (бұдан әрі - ДпҚББД ШҚ ҒӘ «Дарын» орталығы).

2. Фестиваль-байқаудың Ұйымдастыру комитеті

2.1. Фестиваль-конкурсты ұйымдастыру және өткізу үшін ұйымдастыру комитеті (бұдан әрі - Ұйымдастыру комитеті) құрылады.

2.2. Ұйымдастыру комитеті:

- Фестиваль-конкурс өткізудің жалпы тәртібін айқындайды;

- тікелей басшылықты жүзеге асырады;

- Фестиваль-конкурсқа қатысу үшін өтінімдер мен қажетті материалдарды қабылдайды;

- - фестиваль-конкурстың қазылар алқасының құрамын қалыптастырады және бекітеді;

- Фестиваль-конкурс жұмысын бағалау критерийлерін анықтайды;

- қорытындыларды талдайды және жинақтайды.

2.3. Фестиваль-байқаудың қазылар алқасы қатысушылардың жұмысын бағалайды, қорытындылайды, жеңімпаздар мен жүлдегерлерді анықтайды.

3. Фестиваль-байқауды өткізу мерзімі мен тәртібі

3.1. Фестиваль-байқаудың облыстық кезеңі 2023 жылғы 23 ақпанда өткізіледі.

3.2. Өтетін орны мен уақыты: Өскемен қаласы, Қабанбай батыр атындағы көшесі, 111, № 1 Балалар музыка мектебі, сағат 09-00-де.

3.3. Фестиваль-конкурсқа қатысуға өтінімдер (1-қосымша) қалалардың (аудандардың) білім бөлімдері басшыларының қолымен электрондық поштаға жіберіледі: texno_otdel@mail.ru 2023 жылдың 16 ақпанына дейін.

3.4. Өтінімге қоса беріледі:

1) қатысушылардың жеке басын куәландыратын құжаттардың көшірмелері.

4. Фестиваль-байқауға қатысушылар

4.1. Фестиваль-байқауға музыкалық мектептер мен өнер мектептерінің, Оқушылар сарайларының музыкалық мектептерінің фортепиано сыныбы бойынша хор ұжымдары мен солистері қатысады.

5. Фестиваль-байкаудың шарттары мен тәртібі

5.1. Фестиваль-байқаудың іріктеу кезеңдері:

1) бірінші кезең (іріктеу) – өңірлік: аудандық (қалалық);

2) екінші кезең  – облыстық Фестиваль - байқау.

5.2. Фестиваль-байқаудың бірінші өңірлік (іріктеу) кезеңді өткізу мерзімі аудандық (қалалық) білім бөлімдерінің басшыларының бұйрықтарымен анықталады.

5.3. Фестиваль-байқау келесі номинациялар бойынша өткізіледі:

а) фортепиано сыныбы бойынша білім алушылардың жеке орындауы;

б) хор ұжымдарының өнер көрсетуі.

5.4. Фортепиано сыныбы бойынша білім алушылардың жеке өнер көрсетуі келесі жас санаттары бойынша жүргізіледі:

1) кіші жас тобы-7-9 жас;

2) орташа жас тобы-10-12 жас;

3) ересек топ-13-17 жас.

Қатысушылардың жасы ағымдағы жылғы 1 наурыздағы жағдай бойынша анықталады.

5.5. Кіші жастағылар тобының қатысушыларына қойылатын бағдарламалық талаптар музыка мектебінің V сынып білім алушыларына арналған бағдарламалық талаптардан төмен болмауы керек, орта жастағы топтар үшін VI сыныптың, ересек жастағы топтар үшін VII сыныптың бағдарламалық талаптарынан төмен болмауы керек.  

Кіші және орта жастағылар тобында байқау 1 кезеңде, ересек жастағылар тобында 2 кезеңде өткізіледі. ІІ кезеңге қатысушылардың жартысынан аспайтын саны өтеді.

5.6. Хор ұжымдарының құрамында фестиваль-байқауға дирижер және концертмейстер ретінде педагогтердің қатысуына жол беріледі.

5.7. Бағалау өлшемдері:

стильдер комбинациясының өзгергіштігі, өзіндік ерекшелігі және үйлесімділігі;

интонацияның тазалығы және музыкалық жүйе;

музыкалық, көркемдік, шығармаларды түсіндірудің сенімділігі;

техника және орындау деңгейі;

жоғары сапалы орындау.