2022 жылғы 20 желтоқсанда «Ел Үміті» бастамасы аясында Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы «Qabilet» қызметі базасында Өскемен қаласы жалпы білім беретін мектептерінің педагог-психологтарына арналған облыстық семинар өткізді.

Семинардың мақсаты - мектеп психологтарын 10-11 жас аралығындағы оқушылардың қабілеттерін диагностикалау және нәтижелерін талдау әдістемелеріне үйрету, сондай-ақ дарынды балаларды қолдау және қолдау қызметін ұйымдастыру, олардың зияткерлік және жеке әлеуетін іске асыру.

«Qabilet» қызметінің психологтары семинар қатысушыларын қызмет жұмысының теориялық және әдістемелік бөлімімен, қабілеттерді диагностикалаудың белгілі және авторлық әдістерімен және нәтижелерді түсіндіру әдістерімен, сондай-ақ оқушының жеке кабинетінде жұмыс істеу нұсқаулығымен таныстырды.

Қатысушылар семинардың әдістемелік пайдалылығын атап өтіп, алдағы семинарларға өз ұсыныстарын білдірді.

Семинар қорытындысы бойынша барлық қатысушыларға сертификаттар табыс етілді.