2022 жылдың 15-18 желтоқсаны аралығында Риддер қаласының № 1 мектеп-лицейінің 6 сынып оқушысы Иван Грибенщиков Индонезияның Бандунг қаласында  өткен «WISPO-2022» инновациялық ғылыми жобалардың Дүниежүзілік Олимпиадасына қатысты.

Жоба жетекшісі № 1 мектеп-лицейінің мұғалімі Котвицкий Юрий Брониславович.

Олимпиаданың ұйымдастырушысы - Индонезияның Білім министрлігі мен Батыс Ява департаменті қолдауымен Индонезияның жас ғалымдар қауымдастығы.

Олимпиада екі кезеңнен тұрды, бірінші кезеңде 22 елден 146 жоба тіркелді, ал финалдық іріктеуге 9 елден, біздің елді қосқанда 40 үздік жоба ғана жіберілді.

Грибенщиков Иван олимпиаданың қорытындысы бойынша «Робот-дезинфектор» жобасымен алтын медаль иегері атанып, 2023 жылы зерттеуге арналған грантқа ие болды.

Айта кетейік, Иван 2-7 сынып оқушыларының 2022 жылғы «Зерде» республикалық зерттеу жұмыстары байқауының облыстық кезеңінің жеңімпазы.

Иванды, оның жетекшісі мен ата-анасын жоғары жеңісімен құттықтаймыз !

Келешекте сәттіліктер  тілейміз!