«Қауіпсіздік мектебі - 2022» облыстық жасөспірімдер жарысы табиғи және техногендік сипаттағы төтенше жағдайларға өскелең ұрпақты жан-жақты дамыту, сондай-ақ, төтенше жағдайларда әрекет ету дағдыларын игеру және жетілдіру мақсатында өткізіледі. 

 Жарыс Шығыс Қазақстан облысы білім басқармасының ДпҚББД ШҚ ҒӘ «Дарын» орталығы Шығыс Қазақстан облысының Төтенше жағдайлар департаментімен бірлесіп, 2022 жылдың 5-7 қазан аралығында «Дарын» орталығының базасы, Таулы Үлбі кентінде ұйымдастырылады.

 Жарысқа ШҚО жалпы білім беретін мектептерінің әскери-патриоттық спорт клубтарының командалары қатыса алады. Команда құрамы - 7 қатысушы (5 ұл және 2 қыз) және команда жетекшісі.

Бағдарлама конкурстардың, жарыстардың және тақырыптық іс-шаралардың келесі түрлерін қарастырады:

Жарыстың міндетті түрлері:

- «Іскерлік карта»;

- «Өрт сөндіру эстафетасы»;

- «Кедергілер жолағы»;

- «Алғашқы көмек көрсету»;

- «Біріміз бәріміз үшін, бәріміз біріміз үшін» спортландиясы.

Балалардың бос уақытын қамтамасыз ету шеңберіндегі конкурстық бағдарлама:

- «Қабырға газеті» байқауы;

- «Бәрін білгіш» байқауы.