2022 жылы 6-10 маусым аралығында Алматы қаласында 2-4 сынып оқушылары арасында «Бастау» республикалық математикалық турнирі өтті.

Турнирдің мақсаты - бастауыш мектеп жасындағы дарынды балаларды анықтау, дамыту және қолдау, бастауыш сынып оқушыларының математика бойынша білімдерін тереңдету және кеңейту.

Жыл сайынғы турнирге еліміздің барлық өңірлерінен 110-нан астам бастауыш сынып оқушылары қатысты. ШҚО командасының намысын 6 оқушы қорғады.

2-4 сынып оқушылары үш күн бойы мықтылар атағы үшін білім сайысына түсті. Турнир үш кезеңнен тұрды: «Әу баста!» және «Асық»командалық сынақ форматында ұйымдастырылды, сондай-ақ «Математикалық бәйге», онда қатысушылардың жеке сынақтарының нәтижелері қаралды

Командалық есепте Өскемен қаласының математика, физика, информатика саласындағы дарынды балаларға арналған облыстық мамандандырылған мектеп-лицейінің командасы республика бойынша ең үздік нәтиже көрсетіп, Бас жүлдені жеңіп алды.

Математикалық турнирдің қорытындысы бойынша жеке біріншілікте І дәрежелі дипломмен марапатталғандар:

- Өскемен қаласының математика, физика, информатика саласындағы дарынды балаларға арналған облыстық мамандандырылған мектеп-лицейінің оқушысы Дружинин Алексей;

- Өскемен қаласының математика, физика, информатика саласындағы дарынды балаларға арналған облыстық мамандандырылған мектеп-лицейінің оқушысы Козлов Тимофей.

ІІ дәрежелі дипломмен:

- Өскемен қаласының №46 орта мектебінің оқушысы Дарханұлы Ханкерей;

ІІІ дәрежелі дипломмен:

- Өскемен қаласының математика, физика, информатика саласындағы дарынды балаларға арналған облыстық мамандандырылған мектеп-лицейінің оқушысы Землянухин Давид;

- Өскемен қаласының №46 орта мектебінің оқушысы Дастан Ислана.

Турнир қатысушыларын, олардың ата-аналары мен мұғалімдерін құттықтаймыз!

Жоғары жетістіктер мен табыстар тілейміз!