Шығыс Қазақстан облысы білім басқармасының жұмыс жоспарына сәйкес «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы Қазақстан халықтарының бірлігі күніне арналған «Бояулар құпиясы» жас суретшілердің шығармашылық байқауының облыстық кезеңін қашықтықтан өткізді.
Байқаудың мақсаты - жас суретшілердің эстетикалық, гуманистік және патриоттық сезімдерін, әлемдік және отандық көркем мәдениет дәстүрлеріне жеке қызығушылығын тәрбиелеу.
Байқауға аудандық, қалалық кезеңдерінің жеңімпаздары – жалпы орта, қосымша білім беру ұйымдарының 190 білім алушылары қатысты.
Байқау келесі номинациялар бойынша өткізілді:
- «Менің елім - менің жерім»;
- «Палитра талантов».
Байқау қорытындысы бойынша 75 жеңімпаз анықталды: I орын – 12, II орын – 26, III орын – 37.
Барлық қатысушыларға сертификаттар, ал жеңімпаздарға дипломдар табысталды.
Облыстық кезеңнің жеңімпаздары байқаудың республикалық кезеңінде Шығыс Қазақстан облысының атынан қатысады.
Жеңімпаздарды құттықтаймыз және барлық қатысушыларға шығармашылық шабыт пен сәттілік тілейміз!