Техникалық және кәсіптік, орта білімнен кейінгі білім беру ұйымдарының студенттері арасында бұқаралық спорт түрлерін дамыту және танымал ету мақсатында 2022 жылғы 11-13 мамыр аралығында Өскемен қ. Өскемен көпсалалы технология колледжі базасында тоғызқұмалақтан Ұлттық спорт лигасының облыстық кезеңі өтті.

Жарысқа 6 команда - 21 жасқа дейінгі күндізгі оқу бөлімінің студенттері қатысты.

Команда құрамы: 2 ұл, 1 қыз.

Жарыс қорытындысы бойынша жүлделі орындарға ие болғандар:

1 орын – Сәрсен Аманжолов атындағы ШҚУ жоғары колледжі;

2 орын – Абай атындағы Шығыс Қазақстан гуманитарлық колледжі, Өскемен қаласы;

3 орын – Өскемен жоғары медициналық колледжі.

I, II және III орын алған командалар естелік кубоктармен және дипломдармен, ойыншылар - тиісті дәрежедегі медальдармен марапатталды. Қалған қатысушыларға сертификаттар беріледі.

Жеңімпаздарды жоғары нәтижелерге қол жеткізуімен құттықтаймыз! Барлық қатысушыларға жаңа жеңістер тілейміз!