2022 жылдың 27-29 сәуірінде Өскемен қ. Бұқаралық спортты дамыту орталығының базасында «Еуропалық футбол апталығы» аясында «Special Olympics» қозғалысының юнифайт мини-футболдан облыстық турнир өтті.
Турнирдің негізгі мақсаты - арнайы Олимпиадалық қозғалысты насихаттау, спортпен айналысуға зияткерлік мүмкіндіктері шектеулі жаңа спортшыларды тарту, оларды әлеуметтендіру және қоғамға кіріктіру.
Жарысқа медициналық-әлеуметтік мекемелер (МӘМ) мен арнайы мектептердің командалары – 2003-2009 жылы туған 25 оқушы қатысты.
Турнир Special Olympics Inc. спорт ережелеріне сәйкес өткізілді.
Жарыс қорытындысы бойынша келесі командалар жеңіс тұғырында көрінді:
І орын – Риддер қаласы, «№7 арнайы мектеп-интернаты» КММ-нің құрама командасы;
ІІ орын – Өскемен қаласы, «№ 8 арнайы мектеп-интернаты» КММ-нің құрама командасы;
ІІІ орын – Алтай қаласы «№1 арнайы мектеп-интернаты» КММ-нің құрама командасы.
І, ІІ, ІІІ орын алған командалар естелік кубоктармен және дипломдармен, ойыншылар тиісті дәрежедегі медальдармен марапатталды.
Спортшыларымызды жеңісімен құттықтаймыз!
Алдағы уақытта табыстар мен жеңістер тілейміз!