Шығыс Қазақстан облысының оқушылары 2022 жылдың 18-22 сәуірі аралығында өткен республикалық олимпиадада алтын, күміс және қола медальдарға ие болып жеңіс тұғырынан көрінді.
Республикалық олимпиаданың IV қорытынды кезеңіне жалпы білім беретін 15 пән бойынша облысымыздың 9-11 сынып оқушылары - олимпиадалық резерв мүшелері мен облыстық кезеңнің жеңімпаздары қатысты.
Олимпиада Өскемен және Семей қалаларында «Ustudy» орталықтарының негізінде өткізілді.
Оқушылардың олимпиадаға қатысу қорытындысы бойынша біздің облысымыздың қоржыны 30 медальмен толықты: 8 - алтын, 5 - күміс, 17 - қола медаль.
Республикалық олимпиаданың жүлдегерлері мен жеңімпаздарын, олардың ата-аналары және ұстаздарын жеңістерімен құттықтаймыз!
Алдағы уақытта табыстар мен жоғары жетістіктер тілейміз!