ШҚО білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы» жұмыс жоспарына сәйкес 2022 жылдың 20-21 сәуірі аралығында «Табиғатты аяла» жас өлкетанушылар, экологтар мен табиғат зерттеушілерінің облыстық форумын (бұдан әрі – Форум) өткізу жоспарлануда.

Форум қашықтық форматта өткізіледі.

Форумның мақсаты: білім алушыларды табиғатты қорғау қызметіне тарту, экологиялық мәдениетті және туған өлке табиғатына экологиялық бағдарланған қатынаста тәрбиелеу.

Форумның номинациялары:

• «Қазақстанның флорасы мен фаунасының 3D атласы»;
   
• «Zhasyl El» номинациясы – зерттеу жобаларының байқауы;
   
• «Экотеатр» номинациясы – экология туралы шағын спектакльдермен бейнероликтер байқауы;
   
• «Eko-Bolashak» номинациясы – жүргізілген экологиялық жұмыстардың бейнебаян презентациясы;
   
• «GREEN OASES» номинациясы – ландшафтық жобалар байқауы;
   
• «Туған өлкенің бояулары» номинациясы – электрондық экологиялық ашық хат. 
   

Форум үш кезеңде өткізіледі:

Бірінші кезең (іріктеу) – мектепішілік Форум;

Екінші кезең (іріктеу) – аудандық / қалалық Форум;

Үшінші кезең (қорытынды) – облыстық Форум (20-21 сәуір, 2022 жыл, қашықтықтан).

Номинациялар бойынша барынша жоғарғы балл жинаған қатысушылар 2022 жылдың маусым айында өтетін «Табиғатты аяла» жас өлкетанушылар, экологтар мен табиғат зерттеушілерінің Республикалық форумына жолдама алады.