Шығыс Қазақстан облысы білім басқармасының «Дарындылық пен қосымша білім беруді дамытудың Шығыс Қазақстан  ғылыми-әдістемелік «Дарын» орталығы жұмыс жоспарына сәйкес  Шығыс Қазақстан облысының Балалар музыка мектептері мен өнер мектептерінде оқитын жас музыканттардың республикалық фестиваль-байқауының облыстық кезеңін қашықтықтан өткізді.

Фестиваль-байқаудың мақсаты музыкалық дарынды білім алушыларды, дарынды балалар ұжымдарын дамыту және қолдау, олардың шығармашылық белсенділігін, кәсіби бағдарлануын ынталандыру.

Фестиваль-байқауға балалар музыка мектептері мен балалар өнер мектептерінің қазақ және орыс халық аспаптары (домбыра тенор, қобыз прима, қыл қобыз, жетіген, шертер, баян, аккордеон, домра, балалайка, гитара) бөлімдерінің білім алушы – солистері мен ұжымдарынан аудандық, қалалық кезеңдерінің 173 жеңімпазы қатысты.

Жеке орындаушылар мен музыкалық ұжымдардың өнер көрсетулері бойынша қатысушылардың музыкалық қабілеттерін С. Аманжолов атындағы ШҚУ-дың, Халық әртістері ағайынды Абдуллиндер атындағы Шығыс Қазақстан өнер училищесінің,  М.Төлебаев атындағы музыкалық училищенің, Өскемен қаласы №1 музыкалық мектебінің білікті оқытушылары бағалады.

Фестиваль-байқаудың қорытындысы бойынша 47 жеңімпаз анықталды:  Бас жүлде – 15, I орын – 8, II орын – 12, III орын - 12. Барлық қатысушыларға сертификаттар, ал жеңімпаздарға дипломдар табысталады.

Фестиваль байқауда бас жүлдеге ие болған облыстық кезеңнің жеңімпаздары Шығыс Қазақстан облысының атынан республикалық кезеңге қатысады.

Жеңімпаздар мен жүлдегерлерді құттықтаймыз!