26 сәуірде 16 жалпы білім беретін пән бойынша 9-11 сынып оқушылары арасында республикалық олимпиаданың қорытынды IV кезеңі басталды. 2021 жылы республикалық олимпиада «Ustudy» тестілеу орталықтарының базасында барлық санитарлық талаптарды сақтай отырып, Өскемен, Семей қалаларында өткізіледі. Олимпиада «бір қатысушы – бір компьютер – бір камера» қағидасына сүйене отырып, прокторинг жүйесін қолдану арқылы өткізіледі.

Республикалық олимпиаданың қорытынды кезеңіне Шығыс Қазақстан облысының 80 оқушысы - облыстық кезеңнің жеңімпаздары қатысуда.

Неғұрлым айқындықты қамтамасыз ету үшін Олимпиада өтетін орындарда бақылаушы ретінде «Adaldyq alany» республикалық жоба кеңсесінің өңірлік филиал өкілдері қатысуда.

Республикалық олимпиаданың барлық қатысушыларына сәттілік тілейміз!