2021 жылы 30 наурызында Шығыс Қазақстан облысы білім басқармасының «Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы «Ақ шағала» республикалық хореографиялық фестиваль-байқауының облыстық кезеңін қашықтықтан өткізді.
Фестиваль-байқаудың мақсаты: білім алушылардың хореографиялық, шығармашылық қабілеттерін дамыту, үйлесімді тұлғаны тәрбиелеу және әрі қарай дамыту бойынша жүйелі және мақсатты жұмысты жүргізуге жағдай жасау, рухани-адамгершілік пен мәдени құндылықтарға араластыру.
Фестиваль-байқаудың облыстық кезеңіне жалпы орта, қосымша білім беру ұйымдарының, дарынды балаларға арналған облыстық мамандандырылған мектептерінің жеңімпаздары қатысты.
Фестиваль-байқау келесі номинациялар бойынша өткізілді:
- «Халық биі және халықтық стильденген би»;
2) «Заманауи би».
Фестиваль-байқаудың қорытындысы бойынша жүлделі орындар төмендегідей бөлінді:
Гран-при: Алтай ауданының «Зыряночка» хореографиялық ұжымы;
I орын – Курчатов қаласының «Фантазия» хореографиялық тобы;
II орын - Күршім ауданының «Жайна» үлгілі халық би ансамблі, Зайсан ауданының «Жауқазын» би тобы;
III орын –Семей қаласының«Балауса» хореографиялық тобы, Бородулиха ауданының «Өрнектер» хореографиялық ұжымы, Катонқарағай ауданының «Балауса» би тобы.
Бас жүлде иегерлері фестиваль-байқаудың республикалық кезеңіне облысымыздың атынан қатысатын болады.
Жеңімпаздарды құттықтаймыз және барлық қатысушыларға шығармашылық шабыт пен сәттілік тілейміз!