Шығыс Қазақстан облысы білім басқармасының дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығында 1-7 сынып оқушылары арасында «Зерде» зерттеу жұмыстары және шығармашылық жобалар республикалық конкурсына қатысушыларына Ғылыми кеңес беру ұйымдастырылды (бұдан әрі - Конкурс).

Іс-шара Zоом платформасы арқылы қашықтықтан өткізілді. Жас зерттеушілердің ғылыми жобалары қайта тыңдалып, әр қатысушыға зерттеу жұмысын қорғауға дайындық бойынша жеке кеңес берілді (сөйлеу сөзі және зерттеу жұмысының презентациясы).

Ғылыми кеңес беру кезінде алынған білім олардың конкурстың республикалық кезеңіне қатысуының нәтижелілігін айтарлықтай арттыруға ықпал етеді деп үміттенеміз.