1.     Жалпы ережесі

Негізгі ереже 5 – 8 сыныптарға арналған «Юный математик» интеллектуалды сайысының мақсатын, міндетін, және өткізу ережесін анықтайды.cut

Сайыстың ұйымдастырушылары Шығыс Қазақстан өңірлік ғылыми – практикалық «Дарын» орталығы (ШҚ ӨҒПО «Дарын») және облыстық мамандырылған математика, физика, информатика саласындағы дарынды балаларға арналған мектеп – лицей (ДБА ОММФИМЛ).

Сайысқа қатысу ерікті түрде. Өту тілдері: қазақша, орысша.

2. Мақсаты мен міндеттері

Оқушылардың шығармашылық әлеуеті мен интеллектуалды дамуларының жоғары деңгейін анықтау.

Дарынды және қабілетті балаларды көбірек анықтап, ары қарай қолдап, олардың мүмкіндіктерінің толық ашылуына көмек көрсету.

Оқушылардың оқу-танымдық қызметтерін ынталандыру.

Оқушылардың табысқа жету уәжділіктерін дамыту.

3. Сайыстың  жұмысшы органы

Сайысты  дайындау және өткізу жөніндегі ұйымдастыру жұмыстарын жүзеге асыру үшін ұйымдастыру комитеті құрылады.

Ұйымдастыру комитеті:

­- сайыстың жалпы өткізілу тәртібін анықтайды,

­- тікелей басшылықты жүзеге асырады;

- ғылыми-әдістемелік кеңесті қалыптастырады;

­- сайыстың қорытындысына талдау жүргізіп, қорытады;.

- тапсырмалардың мазмұнын әзірлейді;

­- жұмыстарды бағалайтын критерийлерді анықтайды, сайыс өткізілгенге дейін тапсырмалардың құпиялығына жауап береді;

- жұмыстарды тексеруге қатысады;

- жеңімпаздарды анықтап, ұйымдастыру комитетіне жүлделі орындарды беру үшін ұсыныстар жасайды.

 4. Қатысушылардың құрамы

Сайысқа облысымыздағы жалпы білім беретін мектептердің және мамандандырылған білім беру мекемелерінің 5 -8 сынып оқушылары қатысады.

Команда құрамы 4 оқушы және 1 жетекші (математика пәнінің мұғалімі).

5. Сайыстың  өткізілу тәртібі мен орыны

Сайыс 2   кезеңде өткізіледі:

• бірінші кезең – жекелей – 90 минут;

• екінші кезең – топтық – 60 минут;

Жекелей кезең жазбаша түрде өтеді (әр қатысушы өз жас ерекшілігіне қарай тапсырмалар орындайды).

Топтық кезең екі бөлімнен тұрады (әр жастағы 5 – 8 сынып оқушылары қатысады). Әр бөлімде 20 сұрақ бар. Сұрақтар 4 тақырыпқа 5 сұрақтан бөлінген. Дұрыс жауаптарға ұпайлар беріледі, дұрыс емес жауап – 0 ұпай болып есептеледі. Жауап дұрыс болмаса қарсыластары жауап береді.

Сайыстың өту кестесі:

9. 00 с. – салтанатты түрде ашылуы

10. 00 – 11. 30 с. – жекелей кезең

11. 45 – 12. 45 с. - түскі ас

13. 00 – 14. 00 с. - топтық кезең

15. 00 с. - сайыстың жабылуы

6. Қатысушыларды тіркеу тәртібі

Сайысқа қатысу үшін тапсырыстарды электронды түрде 2012 жылдың

24 сәуіріне дейін 8 (7232) 23-93-01 тел/факсына немесе gsshmfi@mail.ru электронды поштаға жіберуге болады. Тапсырыс міндетті түрде білім бөлімінің бастығының мөрімен немесе дарынды балаларға арналған облыстық мамандырылған мектеп директорымен расталған болу керек.

Тапсырыстың үлгісі:

«Жас математик» сайысына қатысуға тапсырыс

7.  Қорытындыларды бағалау, марапаттау тәртібі

Сайыстың қорытындысы бойынша әр қатысушының жинаған ұпайына сәйкес орындар анықталады, команда – жалпы есепте. Жеңімпаздар дипломдармен, сертификаттармен марапатталады және облыстың олимпиада резервіне қабылданады.