2020 жылғы 18-22 қыркүйек аралығында «Мәңгілік Ел» жалпыұлттық патриоттық идеясын іске асыру шеңберінде қашықтық  форматында «Жас Ұлан» әскери-спорттық ойынының республикалық финалы өткізілді.

Әскери спорттық ойынның мақсаты–қазақстандықпатриотизмдітәрбиелеу, жастардыәскери-патриоттық тәрбиелеу,салауатты өмір салтын насихаттау және дамыту бойынша жұмыстардың мазмұнын жетілдіру.

Республикалық ойынның финалына республиканың мектептен тыс қосымша білім беру ұйымдарының және жалпы білім беретін мектептердің оқушылары – облыстық, аудандық, қалалық кезеңдерінің жеңімпаздары қатысты. Қатысушылардың жалпы саны 170 адам.

Шығыс Қазақстан облысының атынан Зайсан ауданының «Жас Қыран» әскери-патриоттық спорт клубының командасы қатысты - 9 оқушы (7 ұл, 2 қыз).

Жарыс барысында қатысушылар келесі номинациялар бойынша сайысты:

• «Командалардың тұсаукесері»;

- «Жауынгерлік парақ» байқауы»;

- «Турникке тартылу»;

- «Арқамен жатып денені жерден көтеріп түсіру»;

    - «Өз қолыңмен әскери техника» сәндік-қолданбалы өнер байқауы»;

- «Соғыс жылдарындағы әндер» атты патриоттық әндер байқауы»;

- «Алғашқы медициналық көмек көрсету» квиз-викторинасы»;

- «Тарихи-іздеу зерттеу жобасын қорғау».   

Республикалық әскери-спорттық ойынды өткізу қорытындысы бойынша «Тарихи мұра» (тарихи-іздеу зерттеу жобасын қорғау) номинациясы бойынша Зайсан ауданы «Х. Мұстафин атындағы мектеп-лицей» КММ-нің11 сынып оқушысы Әскербек Асылбек 3-орынды жеңіп алды.

Әскербек Асылбекті  лайықты  жеңісімен  құттықтаймыз!