Дарындылық пен қосымша білім беруді дамытудың Шығыс Қазақстан ғылыми-әдістемелік «Дарын» орталығы Қазақстан Республикасының Тұңғыш Президенті – Елбасының «Ел Үміті» бастамасының аясында 2020 жылдың 21 тамызында облыстың ауыл мектептерінің 5-6 сынып оқушылары арасында Ұлттық зияткерлік «Мың бала» олимпиадасының (бұдан әрі – Олимпиада) ІІ кезеңі (іштей) өтетіні туралы хабарлайды.

Олимпиада өту орындары:

• Өскемен қ. НЗМ (Қ. Сәтпаев к-сі, 53) - Глубокое, Зайсан (7 қатысушы), Катонқарағай, Көкпекті (7 қатысушы), Күршім, Ұлан, Шемонаиха және Алтай аудандарының қатысушылары үшін;
• Семей қ. НЗМ (ш.а. Қарағайлы, 1 үй) - Семей қаласының, Абай, Аягөз, Бесқарағай, Бородулиха, Жарма және Көкпекті (5 қатысушы)  аудандарының қатысушылары үшін;
• Ақсуат ауылы К. Нұрбаев ат. орта мектебі – Тарбағатай және Зайсан ауданының
  (1 қатысушы) қатысушылары үшін;
• Үржар ауылы Б. Момышұлы ат. орта мектебі – Үржар ауданының қатысушылары үшін.

Олимпиада 2020 жылдың тамыз айының 21-де сағат 12:00-де өтеді.

Қатысушыларды тіркеуі 21 тамыз сағат 11:00 басталады.

Олимпиада өту барысында қатысушыларға құрғақ азық беріледі. 

Барлық қатысушыларда өздерімен бірге міндетті түрде болуы керек:

• туу туралы куәліктің және ЖСН түпнұсқасы мен көшірмесі;

• қалам және қарындаш;

• салтанатты киім;

• медициналық маска және қолғап (жолда).

Жолда санитарлық-эпидемиологиялық талаптарды нұсқаулыққа сай (нұсқаулық қоса беріледі) сақтау міндетті!

Жетекшілер мен ата-аналарға Олимпиаданың өту орындарына кіруге тыйым салынады.

Бағалы заттарды жоғалтқан жағдайда ұйымдастыру комитеті жауапты болмайды.

Барлық сұрақтар бойынша 87232700244 телефон арқылы хабарласуға болады.