ШҚО әкімдігі білім басқармасының «Музыкадағы дарынды балаларға арналған облыстық мамандандырылған мектепте» 27 ақпаннан 01 наурыз аралығында Шығыс-Қазақстан облысының балалар музыка мектептері және өнер мектептерінің халық аспаптары бөлімдеріндегі оқушылардың арасында - 46-шы Облыстық «Жас музыкант» байқауы өтті.    cut 

Осы байқаудың ұйымдастырушылары Шығыс-Қазақстан облысы білім басқармасы және Шығыс-Қазақстан өңірлік ғылыми-практикалық «Дарын» орталығы болып табылады. Байқаудың мақсаты – музыкалық-эстетикалық тәрбиені жетілдіру, кәсіби болашағы зор оқушыларды айқындау және олардың орындаушылық шеберлігін арттыру. Облыстық жас музыкант байқауы жылсайын Қазақстан Республикасының білім және ғылым Министрлігінің басшылығымен өткізілетін, Республикалық білім беру байқау-фестивалінің іріктеу кезеңі болып табылады. Байқау қатысушыларының орындау  барысы республикалық талаптарға сай бағаланды.

Жеке орындаушыларды тыңдау байқауы 28-29 ақпан аралығында үш өспелі топта (кіші, орта, жоғары)  екі бағытта өтті: қазақ халық аспаптары және орыс халық аспаптары. 01 наурызда 19 балалар ұжымдарынан құралған ансамбльдер және халық аспаптары оркестрінің байқауы өтті.

Құрамында Халық әртістері ағайынды Абдуллиндер атындағы Шығыс-Қазақстан өнер колледжінің және Семей қаласының музыка колледжінің, Семей және Өскемен қалаларының балалар музыка мектептерінің оқытушылары бар құзыретті қазылар алқасы келесі белгілер бойынша жас музыканттардың өнерлерін бағалады: музыкалық дарындылығының жарқындығы, орындау техникасы (дауыс тазалығы, фразалау сауаттылығы), шығарманың стильдік жоруы, әртістілігі, жекешелігі.

46-шы Облыстық жас музыкант байқауы – соңғы жылдармен салыстырғанда халық аспаптарында өте үлкен қатысушылар құрамын жинады – олар 333 қатысушы, оның ішінде 117 жеке орындауда әр түрлі музыкалық аспаптарда өнерлерін көрсетті, соның ішінде ең әйгілі аспаптар: домбыра, қобыз, баян, гитара. Қазақ халық аспаптарының спектрі айтарлықтай кеңейді, осы жолы байқау сахнасында шертер, қыл-қобыз және бас-қобыз аспаптары ойналды.

Облысымыздың барлық жас музыканттарының өз шығармашылық қарымын көрсетуіне, сонымен қатар жеңіске талпынуына мүмкіндік  беру арқылы, байқаудың географиясы үнемі кеңеюде. 2012 жылы байқауға 18 қала және аудан өкілдері қатысты.

Жеке орындаушылар байқауындағы иегерлер дипломы: 

Ансамбль және оркестр ұжымдарының арасындағы иегерлер дипломы:

      Байқау иегерлері ШҚО білім басқармасының және ШҚ ӨҒП «Дарын» орталығының дипломдарымен марапатталды. 2012 жылдың 24-30 наурыз аралығында, Алматы қаласында өтетін Республикалық жас музыкант байқауына қазылар алқасы облыстық байқау кезеңінің Бас-Жүлде және І дәрежелі диплом иегерлерін, сонымен қатар екі ұжым – Семей қаласының домбырашылар ансамблі және Риддер қаласының «Русские узоры» ансамблін жіберуді  ұсынды.