Химия – қазіргі заман өркениетінің ғылымы мен экономикасының маңызды саласы. Қазақстан үшін бұл жаратылыстанудың жай орталық ғылымы ғана емес, сонымен қатар, біздің мемлекетіміздің келешек әл-ауқатының дамуының негізі.   

2019 жылғы 29-31 қазан аралығында Қарағанды облысы Жезқазған қаласында химиядан Қ. Сәтпаев атындағы республикалық олимпиада өтті. Олимпиада неғұрлым қабілетті оқушыларды анықтау, химияға қызығушылықтарын дамыту, пәнді тереңдеп оқуға ынталандыру мақсатында өткізілді.

Олимпиадаға химия пәніне қызығушылық танытқан 9 сынып оқушылары – облыстық кезең жеңімпаздары қатысты. Олимпиада екі айналымда Ө. Байқоңыров ат. Жезқазған университетінің базасында өтті.

Олимпиаданың қорытындысы бойынша ІІ дәрежелі дипломмен: 

Өскемен қаласындағы дарынды балаларға арналған облыстық мамандандырылған «Білім–инновация» лицейінің оқушысы Газизбеков Арсен;

Семей қаласындағы дарынды балаларға арналған облыстық мамандандырылған «Білім–инновация» лицейінің оқушысы  Муратханов Абылай марапатталды.

ІІ дәрежелі дипломмен Семей қаласындағы дарынды балаларға арналған облыстық мамандандырылған «Білім–инновация» лицейінің оқушысы Тұрарбеков Ернат марапатталды.

 Олимпиаданың мәдени-танымдық бағдарламасы қаланың көрікті жерлеріне саяхат пен концерттік бағдарламаны қамтыды.

Олимпиада жүлдегерлерін құттықтаймыз. Жаңа жеңістер мен табыс тілейміз!