2019 жылдың 3-13 мамыры аралығында әлемнің 22 мемлекеті (Сауд Арабиясы, Таиланд, Вьетнам, Шри-Ланка, Қытай, Үндістан, Израиль, Сингапур, Малайзия, Моңғолия, Пәкістан, Румыния, Ресей, Қазақстан және т.б.) Аделаида (Австралия) қаласында физикадан 20-шы Азия олимпиадасына қатысты.

Байқауға Қазақстан Республикасының ұлттық олимпиадалық құрамасының 10 оқушысы қатысты. Командаға Семей қаласының дарынды балаларына арналған «Білім-инновация» облыстық мамандандырылған лицейінің 10-сынып оқушысы Мағауин Расул өз білімін көрсетіп қайтты.

Олимпиаданың қорытындысы бойынша Қазақстан Республикасының ұлттық олимпиадалық құрамасының мүшесі, Республикалық, беделді халықаралық олимпиадалардың бірнеше дүркін жеңімпазы Расул лайықты өнер көрсетіп, қола медальді жеңіп алды. Сондай-ақ Расул экспериментальді айналымда ең жақсы нәтиже көрсетіп, «Жеңімпаз-практик» атағын жеңіп алды.

Расулды, оның ата-аналарын, тәлімгерлерін және мұғалімдерін жеңіспен құттықтаймыз!

Сізге әрі қарай сәттілік және жеңістер тілейміз!