2019 жылдың 13 сәуірінде  Шығыс Қазақстан  өңірлік ғылыми-практикалық «Дарын» орталағымен облыстың 3-4 сынып оқушыларының арасында «Балдырған» бастауыш сынып оқушыларына арналған облыстық олимпиада өткізілді.

Олимпиаданың мақсаты - ғылыми білімді насихаттау, оқушылардың интеллектуалды деңгейін көтеру, дарынды балаларды анықтау және дамыту үшін қажетті жағдайларды жасау, табысқа жету үшін ынталандыру.

Олимпиада төмендегі  пәндер бойынша өткізілді:

• Қазақ тілі мен әдебиеті;

• Орыс тілі мен әдебиеті;

• Орыс мектептеріндегі қазақ тілі;

• Қазақ мектептеріндегі орыс тілі;

• Ағылшын тілі;

• Дүниетану;

• Математика;

• Көркем еңбек (Бейнелеу өнері).

Олимпиада аясында қатысушылар үшін мәдени және ойын-сауық бағдарламалары, квесттер, мультфильмдерді тамашалауіс шаралары ұйымдастырылды. Әрбір қатысушы өзінің сүйікті мультфильм кейіпкерлерінен қуыршақтарымен суретке түсу мүмкіндігіне ие болды.

Жас жүлдегерлер мен жеңімпаздар I, II, III дәрежелі дипломдар және  бағалы сыйлықтармен марапатталды.  І  дәрежелі дипломдармен 36 қатысушы,  ІІ дәрежелі  дипломмен – 46 оқушы, ІІІ дәрежелі дипломмен  – 96 оқушы марапатталды.

Жеңімпаздар мен жүлдегерлерді, олардың мұғалімдері мен ата-аналарын жетістіктерімен құттықтаймыз!

Сәттілік және жоғары жетістіктер тілейміз!