Жалпы білім беретін пәндер бойынша бастауыш сынып оқушыларына арналған «Балдырған» облыстық олимпиадасының

БАСПАСӨЗ ХАБАРЛАМАСЫ

_____________________________________________________________________

 2019 жылы 13 сәуірде Шығыс Қазақстан облысы білім басқармасының жұмыс жоспарына сәйкес Шығыс Қазақстан өңірлік ғылыми-практикалық «Дарын» орталығы жалпы білім беретін пәндер бойынша бастауыш сынып оқушыларына арналған «Балдырған» облыстық олимпиадасын (бұдан әрі – Олимпиада) өткізуді жоспарлауда.

Олимпиаданың негізгі мақсаттары мен міндеттері: ғылыми білімді насихаттау, оқушылардың зияткерлік дәрежесін жоғарлату, дарынды балаларды анықтау мен дамыту үшін қажетті жағдай жасау, жетістікке жетуге деген құлшыныстарын қалыптастыру болып табылады.

Олимпиада ІІІ кезеңде өткізіледі:

- бірінші кезең – мектепішілік (наурыз айының бірінші  онкүндігі);

- екінші кезең - аудандық / қалалық (наурыз айының екінші онкүндігі);

- үшінші кезең - облыстық (сәуір айының екінші онкүндігі).

Олимпиадаға облыстың барлық қалалары мен аудандарынан 3-4 сынып оқушылары және мектепалды дайындық сыныптарының тәрбиеленушілері қатысады.

Олимпиада қазақ тілі мен әдебиеті,орыс тілі мен әдебиеті, қазақ сыныптарындағы орыс тілі, орыс сыныптарындағы қазақ тілі, ағылшын тілі, математика, дүниетану, көркемдік жұмыс / бейнелеу өнеріпәндері бойынша өткізіледі.

Олимпиаданың өту орны: Өскемен қаласының №47 жалпы орта білім беретін мектеп (Комсомол көш, 31/3).

Олимпиадаға қатысушыларды тіркеу – сағат 08.30-да.

Олимпиаданың басталу уақыты – сағ. 9:00-де.

Олимпиаданың жабылуы қатысушыларды марапаттау салтанатын қамтиды.

Қосымша ақпараттар алу үшін 8(7232)70-02-44 «Дарын» ШҚ ӨҒПО телефондарына хабарласу қажет.