Физика, математика және информатика пәндерінен ХV Халықаралық Жәутіков олимпиадасының қорытындысы

2019 жылдың 9-15 қаңтары аралығында Алматы қаласында математика, физика және информатикадан Халықаралық Жәутіков олимпиадасы өтті.

Олимпиаданың мақсаты – елдер арасындағы қарым-қатынасты дамыту, ғылыми білімді насихаттау және физико-математикалық мектептер арасындағы байланысты нығайту.

Мерейтойлық олимпиадаға қатысуға 18 елден 540-тан астам оқушы шақырылды.

Бұл бірегей олимпиада болып саналады, осында жеке рейтинг пен алыс және жақын шетелдердің үздік мамандандырылған мектептерінің мықты командалары рейтингісі шығарылады.

Шығыс Қазақстан облысын өз деңгейінде, 7 қатысушы – республикалық олимпиаданың жеңімпаздары, сонымен қатар облыстық олимпиадалық резервтің мүшелері көрсетті.

Халықаралық олимпиаданың қорытындысы бойынша Мағауин Расұл – Семей қаласындағы дарынды балаларға арналған облыстық мамандандырылған «Білім-Инновация» лицейінің 10 сынып оқушысы (физика)  ІІ дәрежелі дипломмен және күміс медальмен марапатталды;

Байболов Темірлан – Өскемен қаласындағы дарынды балаларға арналған облыстық мамандандырылған «Білім-Инновация» лицейінің 10 сынып оқушысы (информатика) ІІІ дәрежелі дипломмен қола медаль иегері атанды.

Оқушыларды марапаттарымен құттықтаймыз!

Алда табыс пен жеңістер тілейміз!