Алғаш рет Астана қаласында 2018 жылдың 16-19 сәуірі аралығында жаратылыстану-математикалық ғылым саласындағы дарынды оқушыларды анықтау және қолдау, жаратылыстану-математикалық пәндер мазмұнын дамытуға және жетілдіруге жәрдемдесу мақсатында жаратылыстану-математика бағытындағы пәндер бойынша Республикалық юниорлық олимпиадасы өткізілді. Олимпиадаға Қазақстанның барлық аймағынан  170-тен аса оқушы қатысты. Облыстың жалпы білім беретін және мамандандырылған мектептерінің 10 юниоры ШҚО командасын ұсынды.

Олимпиаданың республикалық кезеңі «РФММ» ҰАҚ, физика-математика бағытындағы «НЗМ» ДББҰ, «NURORDA» мектеп-лицей базасында өтті.

 Оқушылар өз білімдері мен біліктерін теориялық және тәжірбиелік айналымдарда көрсетті.

Олимпиаданың қорытындысы бойынша ІІІ дәрежелі дипломдармен марапатталғандар:

- Төкен Нұрболат – Өскемен қаласындағы облыстық мамандандырылған «Білім-инновация» лицейінің 8 сынып оқушысы (информатика);

- Гуськов Леонид –  Өскемен қаласындағы облыстық математика, физика, информатика саласындағы дарынды балаларға арналған мамандандырылған мектеп-лицейінің 7 сынып оқушысы (математика);

- Малышева Ксения – Өскемен қаласындағы №38 гимназияның 8 сынып оқушысы (биология);

- Окасова Фариза – Жамбыл атындағы облыстық мамандандырылған мектеп-гимназия-интернаттың 7 сынып оқушысы  (физика);

- Рахметолла Нұрасыл – Өскемен қаласындағы облыстық мамандандырылған «Білім-инновация» лицейінің 8 сынып оқушысы (химия);

- Трухинова Софья – Өскемен қаласындағы №10 мектеп-гимназияның 7 сынып оқушысы (биология);

- Увалиев Санжар – Өскемен қаласындағы облыстық мамандандырылған «Білім-инновация» лицейінің 8 сынып оқушысы (химия).

Қатысушылар үшін мәдени-танымдық бағдарлама ұйымдастырылып, оның аясында балалар «Астана ЭКСПО-2017» көрмесінің архитектуралық символы «Нұр Әлемге»саяхат жасады.

Жүлдегерлерді, олардың мұғалімдерін және ата-аналарын құттықтаймыз!

Табыс пен жеңістер тілейміз!