2011 жылдың 24 қыркүйек 2 қазан күндері Атырау облысында Қазақстан Республикасының жалпы білім беретін оқу орындарының оқушылары арасында II республикалық Махамбет оқулары өтті.
Республикалық Махамбет оқулары үш бөлім бойынша өткізілді.
- «Мен - Өтемістің баласы Махамбет атты батырмын!» - Махамбет шығармаларын жатқа оқу конкурсы;
- «Ұлы арман» - Махамбеттің күйлерін орындаушылар конкурсы;
- «Тартынбай сөйлер асылмын...» - жас дарындар конкурсы.
Байқау қорытындысы бойынша Шығыс Қазақстан облысынан қатысқан үш қатысушының екеуі жүлделі орынға ие болды:
- «Мен - Өтемістің баласы Махамбет атты батырмын!» бөлімі бойынша 3-орынды Семей қаласындағы дарынды балаларға арналған Ш.Уәлиханов атындағы «Жас ұлан» арнайы ерлер мектеп-лицей-интернатының 11-сынып оқушысы Төлегенұлы Айзат;
- «Ұлы арман» бөлімі бойынша 3-орынды Өскемен қаласының Шығыс Қазақстан облысы әкімдігі білім басқармасының музыкадағы дарынды балаларға арналған облыстық облыстық мамандандырылған мектебінің 9-сынып оқушысы Ринатов Ерасыл иеленді.
